حكاية صاحبنا هذا تبدو ضرب من الخيال .. رغم أنها واقعة حقيقية حسب ما يرويها أحد أقاربه نقلا عنه .. فقد اعتاد هذا الرجل , على فترات زمنية متباعدة , ان يخرج من بلدته , بسيارته متوجها الى منطقة بعيدة لمتابعة وإنجاز أموره التجارية . وكان في منتصف الطريق تقريبا يمر ببلدة صغيرة بها محطة بنزين وبعض المحلات , يملي سيارته بالبنزين ويمرعلى المحلات يشتري بعض الأشياء اللي قد يحتاجها مرة من المرات وهو متوجه للمحلات شاف مجموعة من الرجال يحملو نعش لميت , نزل من سيارته دون تفكير ومشى في جنازة هذا الميت. وكان يحمل النعش سبعة من الرجال , وهو ثامنهم , لما وضعوا النعش على الأرض وبدءوا يصلون على الميت ...... وصاحبنا واقف يصلي على الميت معهم , حانت منه التفاته نحو الميت اللي انكشف الغطاء عن وجهه واذا الميت يخرج لسانه ويغمز بعينه!!!! ترك صاحبنا الصلاة وشرد للسيارة مايطالع وراه ..لمن شغل السيارة وتحرك من مكانه .. شاف الميت مقبل يركض جهته, جن جنونه وضغط على دعسة البنزين واسرع زي الصاروخ . وبعدين كلما جا هذا الطريق ما يتوقف في هذي البلده . وما لقي تفسيرا للي شافه!!! .. وماقال لاحد باللي صار اذا هو مو مصدق كيف يضمن ان يصدقه الناس ؟! .. واخفى الامر حتى لايكون موضع سخريه . وبعد أشهر ... وهو على عادته مار بهذا الطريق اضطر للتوقف عند هذي البلدة عشان يعبي بترول ... توقف وهو خائف , يتلفت يمين ويسار. وفجاة ....وفجاة ..واذا واحد يضع يده على كتفه ! ...ولما التفت واذاهو وحها لوجه امام الرجل الميت اللي صلى عليه قبل عدة أشهر !!! تجمد صاحبنا في مكانه , و حاول يشرد الا ان الرجل الميت مسكه صح وهو يقول: يا ابن الحلال اذكر الله اركد ابي اعلمك السالفه ! يا خوي انا رجل نظول , اصيب الناس بالعين , عاد جماعتي زهقوا مني ومن فعايلي كل يوم سادحلي واحد صاكه بعين , قالوا نبي نصلي عليك صلاة الميت , لانه يقولون ان النظول اذا صليت عليه صلاة الميت يبطل مفعوله العين للناس , وانا قلت لجماعتي اللي تبون سووه , واللي شفتهم كانوا عيال عمي وجماعتي , مكفنيني وشاليني في نعش . وانا يوم شفتك معهم عرفت انك على نيتك اتحسب اني ميت , فقلت امزح معك طلعت لك لساني وغمزت لك , ويوم شفتك شردت , قلت الرجال الحقه لايستخف , وركضت وراك آبي أعلمك لكنك ركبت السيارة وانحشت .. والحين يوم وقفتك والله أني عرفتك على طول وجيت أعلمك . لما سمع صاحبنا الحكاية أخذته نوبة من الضحك , بينما الرجل يدعوه لتناول القهوة وكان هو يشير معتذرا لعدم استطاعته التحدث لشدة الضحك !!!!!!!!
نشالله ما تفجر من الضحك بس. هههههههههههه مشكوووووووور على الموضوع اللي يجن جنون المجنون ذا. هههههههههههههههههه و يسرني اني اول الرادين على موضوعك. تحياتي.
