السلاااااااااااااام اولا منقول الموضوع في منتدى كان فيك موضوع حطه واحديسم النساء في التسوق وجت فتاااااااه ومعصبه وردت عليه بوضوع تبغو تعرفو وش قالو تعالو معي الرجل موضوعه االرجااااااال في مووووووووووضوع ثاني لان الكلاام طويل ’’’’ البنت موضوعهاا -------------------------------------------------------------------------------- كان ياماكان بذا الايام واحدن اسمه مطاول قاعد يهايط علينا ويقول انه حزين عشان اهله ينشبون له ويوديهم السوق وغير تسذا ينقد على اللي تروح مع سواق لو انه بمحرم ويعيي بعد على اللموزين خايفن يخطفون اهله ويعيش وحيد بدون اهلن يطبخون له ابي اعرف شلون بيتقضون اهلك ..؟ ومن بيوديهم دامك ماتوديهم الا بطلعه الروح .. الكلام مامنه فايده معك .. بخش بموضوعي على طول ازين لي .. شفت مطاول مطلعن مخالبه علينا قلت ورى ماطلع مخالبي بعد انا واعجن وجهه --> حشى وحوش موب اوادم .. اخوي التبن صقعان ليش كل مطرت عليك جيت يمي وقلت ياوخيتي وش بتس ضايقن صدريتس ورى ماتضفين كشتس وقوه امشيتس ليش والا الحرمه مالها الا بيتها تحرسه عشان مايجون الحراميه يسرقونه .. وشوله مطلعن سياره هاه عشان تضف سرابيت خلق الله وتوزع كل واحد في بيته .. هذي امي الله يصلحها كل ماقلت لها يماااه وش رايتس نسافر للسينغال من زمان عن خالتي فطوم قالت هاوو منتيب صاحيه ونخلي بيتنا كن هالبيت فيه كنز الله واتسبرمافيه في الحوش الا غاز فاضي وزوليه مخموره مويه وطالعتن ريحتها وعلك معجون ومثبت في الجدار وناشب فيه ضويطير صغير .. وش بيسرق هالحرامي ماعنده الا الضعوي اللي يعوي .. بس يتعذرون بكلش ولين نشبت زود قالت من بيودينا اخوتس بيروح مع اخوياه الله يحفظه خليه يوسع صدره كنه مايطلع ولا يجي ولايروح --> بتنظله .. وحنا يالبنات اللي ننلطع في البيت ونخيس لين يجينا ولد الحلال اللي يضفنا بشقه ويصك عليتس ويروح للاستراحه مع اخوياه جعل هالاستراحات تعدم .. -> عنسي بس ! والله لو الله ثم هالجامعه اللي تخلي الابيض اسود والاسود يزيد سوادا مع هالشموس تسان ماشفت الشمس تصدقون اني بالاجازه احيانا اقعد بالشهر ماشوف الشمس ابد --> مشرطنين طيقهم عقب حرب الخليج ! يعني الظاهر اني بالصيف باخذ لي ترم صيفي موب حبن في الدراسه بس عشان اشوف الناس واسولف واغير عن جو البيت المخيس نوم نت قهوه مغرب عشا نوم وعلى هالحاله لين تنتفخين نهايه الاجازه ولحد ينصك سحاب تنورتس الا لين تربطينه بحبل وتخلين امتس تجره على فوق عشان ينصك وان مانصك فهذي مشكلتس .. يعني الله يصلحه اخوي من يجي من الدوام لين الليل وهو طاس عند ربعه الله لايكثرهم ولين دقيت عليه وقلت له صقعان تعالي ودني السوق والا اي مشوار ابيه ضروري قال من قال لتس ماتقولين لي من اول قولي لي قبل بيوم الله واكبر يالمهم وش عنده الوزير على غفله تلايط بس بتجي توديني والا دقيت على ابو هنود يجي يوديني عاد هو نقطه ضعفه السواويق ينهبل ويجيتس طاير --> تسلبه ! عاد نجي لهلي اللي مايواطنون شي اسمه روحه وجيه حتى لدرجه انهم لاطلعوا اربعا وخميس وجمعه يتكسرون كنهم جايين من بر وامي تمد رجولها وتقول ايييييه يازين بويتي بس الله لايخلينا منه .. عاد اختي تقول ميد امي يمه انتي تحبين بيتس بس موب غصب حنا بعد نحبه الشعور موب متبادل بينا لازم كل واحد يروح مع الجنب اللي يرحيه .. قالت امي كلمتها المعتاده عند رجلتس ان شاء الله قالت وان جا رجلي موب صويحي قالت عادي ارضي بالقسمه والنصيب .. حتى بالسفر عندهم عقد من الطلعات مره رحنا لمكه مع بنات خالتي المهبل طبعا نظامنا في مكه ماعلينا من الحريم كلن يطلع على كيفه ازين شي مافيه احد يحكمتس .. المهم ان نظامنا مشى الحريم يطلعون اوقات وحنا اوقات طبعا جا يوم من الايام جو خالتي وامي قالوا مادريتو شفنا وحده مخطوفه وتصارخ ولحد يمها ذي اول فقشه .. جت خالتي تقول والله اني شايفتن بنيه كبركم ابد اهم شي كبرنا تمشي ومع وخيتها توها بتشتري من البساطه تلفت مالقت اختها وينها وينها ضاعت شكلها مخطوفه طبعا كل سواليف الرعب ذي اللي تروعتس نصب بس عشان مانطلع طبعا حنا مااثر فينا قمت انا وشفت خشتي بالمرايه واتمقل فيها والتفت عليهم واقول ذي خشه بالله تنخطف والله هالحرامي اللي ناوي يخطفني من بيشم ريحتي الا وهو حاطن رجوله روقونا تكفون .. اذكر وحده تسولف لي تقول رحنا الشرقيه المهم اهلها من النوع المتشددين مره مره مره حتى البحر مايشمونه .. المهم تقول نشبنا لين طلعونا البحر ويوم طلعنا طبعا كالعاده حجروا لنا بالسيارات من كل جهه مافيه ولانفس ... تقول لي عاد جا اخوي يصارخ من بعيد ومير نطل نلقاه يلاغي بنات واقفين على البحر مغطسين رجولهم قلت وش عنده الاخو يمون اثاريه مشبهه علينا يحسبهم حنا ناويين نهج .. والله الحقنه بعد .. شوفوا انا مااقول اني اصير حره طليقه اروح واجي واطلع لا احم ولا دتسور بالبيت بس يعني طلعونا شممونا هواء امنيتي اروح السوق يوم اركض دايم ادخل وانا اركض عشان اسباب مثل خشه اخوي .. يعني بعض المجتمعات الله يهديهم فري بزود تطلع مع السواق وتعزم صديقاتها على موتسا بارد ويطلعون ويروحون يتعشون في مطعم والله ياان بنات السعوديه لين تمدنوا ماينبغون .. ماجو علي لين ركبت السياره ماغير طايره عيوني اخوي يقول خلي عيونتس يمين ويقول ميد اختي صقعه خلي عينتس يسار ليش طيب عشان تشوفون لنا مطعم رز نشتريه ونتعشى عليه وش تبون بس بارد .. انا ابي ببسي ماسمع الا امي تصارخ من طريت الببسي وشو وش السالفه قالت والله مايطب فمتس وتلفت على اخوي والله ان جبته لكبه في مغاسل المجلس مير مسدوده خليه يفجرها .. وش الحل معكم يعني يااخواني التيوس .. لازم يصير الاخو قريب من اخته يلبي لها طلباتها يشوف وش تحس فيه وهي تستشور كشتها .. ثاني شي لازم بعد يصير الاخو موب رسمي مع اخته كنها واحد من الموظفين اعرف لكم واحد تسذا مع خواته رسمي لو يبون اي شي يقولون ميد امهم عشان تقول له ولو قالوا له لبى لهم طلباتهم المهمه بس وغيره يقول وشوله .. لكم حريه المناقشه في هالموضوع المخلط .. معليش اعذروني تراني شطحت كثيرر ورغيت كثيررروضحكت كثيررر وكلت تبن كثيررر --> اطلعي من مخي بس ! برايفت .. والله كنت ناويه احط هالموضوع بالشله بس ماش احترت مدري وش يناسب .. --> باللهي ! تطاقوا عليها .. اسمهااا :مصقوعه بغضاره وهذه المنتدى مضحك كثيرررررررررررررا الرابط http://msa6el.com/vb/f30.html ان شاء الله بسجل فيه ملاحضه:الي ماقرا لن الموضوع كبير اقوله يقراى لنه مضحك هههههه ههههههههه عن جد الموضوع فله:dudu: :dudu: يطير العقل:dudu: :crazy: ارجووووووووووووووووووووووو الموضوع اعجبكم فمااااااااال الله تحياااااااااااااااااتي الطاقه الزرقاء اسمي في المنتدى***شيخه المساطيل’’’
