صحراء الأنمي AnimeDesert صحراء الأنمي AnimeDesert صحراء الأنمي AnimeDesert صحراء الأنمي AnimeDesert

فيني حزن لو ذاقه الكافر اسلـــــــــم

الموضوع في 'أرشيف صحراء الأنمي' بواسطة همس الاصايل, بتاريخ ‏14 يوليو 2009.

[ مشاركة هذه الصفحة ]




  1. محدٍ سألني عن معاناتي .. مهتــــــم
    الكل يسأل لجل يشبع فضولـــــــــــه

    ما من عضيد ولا ولد خالٍ وعـــــــم
    وما من صديق أمس جاني بميولــــه

    وقت الرخا كل المخاليق تلتـــــــــــم
    والمهتني حتى المعادين حولــــــــــه

    ووقت الشدايد شوفهم كلهم صُـــــــم
    نوحك بعالي الصوت ما يسمعوا لــه

    ان جيت اخبّي حسرة القلب واكـتـــم
    اشوفها ما هي بهذي السهولـــــــــــه

    يا كيف اغطي طاغي الهم بالهــــم !
    والدمع من يقدر يقاوم نزولـــــــه ؟!

    الحزن كم نطّق من الجور أبكـــم ؟!
    وخلا خفيفين العقل يفطنوا لــــــه !!

    والمحجر اللي بالمدامع ملغّـــــــــــم
    من يمنعه لا فاض وفرّغ حمولـــه ؟

    قضيت ثلثين العمر بس انــــــــــــدم
    على عشير من زمان الطفولـــــــــه

    واللي بقى من عمري اقضيه الملـــم
    باقي حطامي من سوايا فصولـــــــه

    الله يقطع ناس ما عندهـــــــــــــم دم
    خص الذي يردد حلولـــــــــــــــــــه

    ما كان ودي اشتكي .. بس لــــــــزّم
    وانا على النيه سمحت بدخوله

    فضفضت له وانا كسير آتألـــــــــــم
    والدمع فوق الخد سيل سيولــــــــــــه

    شمر عن ذراع الكذب .. غيّب الكــم
    دق الصدر يستعرض احدث بطولــه

    قال انت آمر واللي تحتاج له تـــــــم
    تلقاه عندك قبل موعد وصولـــــــــه

    اشّر ومال داعي انك تكلّـــــــــــــــم
    واللي تمنيته وكاد بتنولـــــــــــــــــه

    حان الوعد .. جيته .. وقام يتلعثـــــم
    عرفت عذره من قبل لايقولـــــــــــه

    الكذب له ريحه من بعيد تنشــــــــــم
    الله يزول الكذب الله يزولــــــــــــــه

    لو كان محتاج العطا شخص ينـــــذم
    تلقاه واصحابه الرخوم افزعوا لـــــه

    ولو كانت الحاجه لشي محــــــــــرّم
    تلقاه واصحابه الردايا سعوا لـــــــه

    وانا عن الحاجه لمثله مكـــــــــــــرّم
    ما كنت اعرفه لين جتني فعولــــــــه

    لو كان بيده الماي .. اشرف لي السم
    من باب عزة نفس .. ماهي بطولــــه

    يا بنت حواء .. وانت يا ولـــــــد آدم
    من بعد موتي رددوا هالمقولــــــــــه

    منته بقد هالكلمه احسن لك انطـــم
    ولا تخدع بقولك عيال الحمولـــــه

    يالله ياللي بخافي سر تعلـــــــــــــم
    ياواحد كل الملا يشتكوا لــــــــــــــه

    فيني حزن لو ذاقه الكافر اسلـــــــــم
    كلما يزيد .. يزيد عظمي نحولـــــــه

    والليل كلما غابت الشمس واظلــــــم
    أجني الخساير من ظلامه وطولـــــه

    والجرح يتجدد اذا قلت يقـــــــــــــدم
    كنه علي من هالخلق يولــــــــــــه !

    والخافي اعظم بس ما هوب اعظـــم
    من قدرتك ياللي الملا ينحنوا لـــــــه

    ابدا بشكواي وبدعواي اختــــــــــــم
    يذوق حزني من خدعني بقولـــه



    م ـنقول // هـ م ـس الاصايل
     
    • أعجبني أعجبني x 1
  2. جاري تحميل الصفحة...

    مواضيع مشابهة في منتدى التاريخ
    يابح ـــــــــــر .. فيني من الح ـــــــــزن .. كثر مافيك أرشيف صحراء الأنمي ‏14 مايو 2009
    يقول زعلان ولا يسأل انا وش فيني؟! أرشيف صحراء الأنمي ‏19 ابريل 2009
    انا بنت ووقت الشدايد فيني رجوله.. أرشيف صحراء الأنمي ‏24 فبراير 2009

  3. مشكوووووووووووووووووووووووووووووووووووووووووووووووووووووووووووووووووووووووووووووووووور


    مشكوووووووووووووووووووووووووووووووووووووووووووووووووووووووووووووووووووووووووووووووووور





    موضوع حلو

    ولكي تقيم
     
  4. العفووو منور موضوعي بردك يشرفني تكون اول واحد
    +
    يسلمو ع التقييم