فى احدى جلساتى مع جدتى ...دار الحوار التالى:- الجده: إنت ياوااااااد....فين أمك؟ الحفيد:هتكون فين يعنى ؟...هى وراها إيه غير المسلسلات التركى ...الله يرحم المال والبنون وذئاب الجبل! الجده : طب وأمك بتضيع وقتها ليه فى الجبنه التركى ؟مالها الجبنه القريش؟هى عقدة الخواجه لسه عندكم؟ الحفيد: معلش بقى كله بسبب يحي ولميس ونور ومهند الجده :وراجل البيت فين من ده كله؟ الحفيد:راجل البيت ده كان زمااااااااااااان على أيامك الكلام ده الجده:إيه الكلام ده ؟أبوك فين ؟ الحفيد:أبويا ؟.......ياعينى من ساعة ما عرف ان العلاوه بيتلعب فيها وهو مش عارف يعمل ايه؟ الجده:أنا طول عمرى أقول أبوك ده باربيا وبجدك الله يرحمه.بس بس هو عرف منين ان انا عاوزه بقلاوه ؟وهم رخصوها ليه؟هو فى حاجه بترخص فى الزمن ده ؟ الحفيد:رخصوا البقلاوه عشان يوفروا فرص عمل للشباب . الجدة:إنت كمان بتحبنى؟ تصدق انا نفسى فى الكباب من زماااااااااااااااان! وخلص الحوار وانا دماغى اتشقلب :shock: معاهم بس والله الواد ده جدع واخدها على قد سمعها >>>يعينى زمانه بيتهبل بعد كل حوار بيحصل بينه وبين جدته<<< يلا اتبرعوا بقى بردودكم للراجل الغلبان ده