السلام عليكم...... وبعد أنقطاع طويل عدت لكم....... وعندي لكم قصه أقراؤا واستمتعوا... الشايب والوايت)يعني سيارة كبيرة يحطون فيها المويه (- يسولفون عن شايب نوا يشتري له وايت..عشان الحلال ( الغنم يعني (،، وعزم يجمع له بالدراهم لين صار عنده ثمانين الف ريال،، وتوكل على الله،، واقبل ذاك اليوم إلا ذيك الناس المجتمعة في ارض فضا،، واثري جمبهم وايت،، وعجب خوينا هالوايت،، قال بس خلني اشوف هالوايت عساه للبيع،، يوم وقف واثري هالجماعة يحرجون: 50 ،، 52 ،، 55 ،، قال بس شكلهم يحرجون على هالوايت إن شاء الله انه من نصيبي،، ويخش بالحراج... 56 .. ويزود.. ويزودون ... ويزود.. لين وصلوا 75 .. قام خربها وقال 80 .. هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!! يناظرونه.. يناظرون بعض.. يوم تغامزوا ونقز له واحد منهم .. ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك.. قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله وش اسمك؟؟ عطاه اسمه وكتب له الشيك بمليون ريال وصرّف الرجال.. هو ما يدري وش السالفة .. طيب وش العلم ..!!!!!؟؟!!!! .. .. اثري هالجماعة يحرجون على المخطط وواقفين بالصدفة جمب الوايت.. و56 مليون و75 مليون.. وبو الشباب خش معهم.. ويحسبونه هامور يبي يلطش عليهم المخطط.. قاموا صرفوه بمليون.. وهو طاير من الفرحة.. اتمنى ان تنال اعجابكم
ياهوووووووووووووووو.......... وينكم والله ترى ما أدخل 3 أسابيع بسبب الزعل........... والله عصبت وين الردود:mad0177::mad0177::mad0177:
هههههههههههههههههه والله نصيب لو انا مكانه ما اقبل ارجع له لين يراضوني ب10 ملايين ولا بشيل المخطط(والله إني بتصفق وبيموت أحفاد احفادي وهم لسه ماجابوا ربع المبلغ)هع هع هع يسلمو على الموضوع الاكثر من رائع
ههههههههههههههههههههههههههههههه حلــــــــوة نالــــــــته أختي ..^^ شــــــــكرا حياتي عالموضوع الحلو .. راح اقيمج ..
