بسم الله الرحمن الرحيم أنا أبتكلم معكم يا أخوان بموضوع خطير وهو منتشر عندنا بكثرة وهو اللعن تدرون وش معنى اللعن؟ اللعن هو الطرد من رحمة الله سبحانه وهناك نوعان من اللعن وهما (اللعن المباح-اللعن الحرام) اللعن المباح ما فيه شي يا أخوان فهو على إسمه مثل أن يقال:- الله يلعن اليهود-الله يلعن الشيطان هذا ما فيه شي يا إخوان لأنك تلعن غير المسلمين ودليل ذلك أن الله ورسوله كانوا يقولونه ولكن موضوعنا هو اللعن الحرام مثل أن يقال:يلعن أبوك-يلعن أمك-الله يلعنك إحفظوا لسانكم منها لو نسأل واحد ليش تقوله يبي يقول لأني تعودت وهو تعود من تكرار الكلمة وإذ سئلناو طيب ليش ما كنت تقولها قبل يبي يقول لأني ما كنت متعود عليها إحفظوا لسانكم لاتقولون مثل هذا الكلام وليش ما تعودون نفسكم إنكم ما تقولونها يعني هاذي يبيلها جهد ومغامرة؟ ترا هاذي كلمة سيطة يا إخوان ما في شي إسمه غصبٍ عني أقولها ما غصبٍ عني أقولها كلنا نقدر نحفظ لساننا عن هذا الكلام وليش ما تعودون نفسكم على قراءة القرآن يعني صعب لو تقرون قرآن؟ صعب لو تفتحون المصحف؟ صعب لو تمسك المصحف؟ ليش ما تتعودون على قراءته وتلاوته وإذا كان صعب إنك تتعود تقرأه وش لون عودت نفسك على كلمة(الله يلعنك) قراءة القرآن واللعن كلهم تتكلم وتحرك لسانك ما فيه شي يمنعك إنك تقرأ القرآن وما فيه شي يمنعك إنك تحفظ لسانك من اللعن صعب تعود لسانك على ذكر الله؟ صعب إنك تحفظه عن اللعن؟ يعني يبيلك تغامر وتتسلق الجبال؟ وتحفر أنفاق وتقاتل بأسلحتك؟ وتهزم القراصنة الأشرار وتبحث عن الكنز؟ بس كلها إنك تحرك عضو واحد في جسمك يعني مهب صعبة أبداً عليك إنك تحرك لسلنك أو ما تحركه وألحين ليش ما توح لربك وتتوب وتفتح صفحة جديدة من الآن وترا ما راح تستفيد شي إذا قلت(الله يلعنك) الشخص اللي قلتله هذا الكلام ما راح يطرده الله من رحمته بالعكس هو قد يؤجر لأنك أردت من الله أن يطرده من رحمته وراح تتعاقب على كلامك في الآخرة وعلى لَعْنِكَ لأخيك وليش ما تقرا قرآن تدري إن كل حرف تقرأه بالقرآن له 10 حسنات تخيل حرف واحد 10 حسنات مهب كلمة وحدة لو تقرأ من القرآن الآية(قل هو الله أحد) راح تضاف من حسناتك 110 حسنة وش لون لو السورة كاملة يعني صعبة لو تقرأ سورة الإخلاص؟ ترا الحسنات اللي فيها كثيرة مع إنها قصيرة تراها فقط 4 آيات والله الكمخه يقدر يحظها خلال 5 دقايق واللعن تراها بس كلمنتين وأنا متأكد إنك تقدر تحفظ لسانك منها والآن يا أخوي وش رايك تتوب لربك وتروح تكثر من قراءة القرآن وتترك اللعن اللي كله كلام بزران وإذا كنت ما تقدر قل بدالها(الله يلعن بليسك)تراها والله ما فيها شي هي نفسها لعن بس الفرق الحكم الشرعي(جائز-حرام)
الحين ظاهره اللعن منتشره في كل مكان حتى الاطفال الصغار الي توهم يتكلمون يلعنون أنا والحمد لله ما لمست لساني هذي الكلمه البشعه والمدرسه اذا بغت بنت تمزح مع بنت تلعنها ..! يعني حتى المزح باللعن الله يعيننا على هذه الظآهره
مشكووور أخووي ع الفااايدهـ ...... انــآآ اممم أقوولها بس اذا عصصبت يعني من شي يستحق << تررقع الموهييم اني اقوول يلعن ابليسك ...... وجآآآري التقييم اذا قدرت ....... يوووه ما اقدرر خساره سي يوو
بٌَِآرٌٍكَ آللهٍَ فْيَكَ يَآ سٌِِّوٍنْ جًِْوٍهٍَآنْ صٍْدًٍقٌٍتُِِّْ بٌَِكَلآمًكَ آللهٍَ يَغًفْرٌٍ لنْآ زٍُلآتُِِّْ آللسٌِِّنْتُِِّْنْآ وٍيَسٌِِّآمًحٍّنْآ عًٍلى كَلمًآتُِِّْنْآ آلليَ نْقٌٍوٍلهٍَآ وٍمًآنْلقٌٍيَ بٌَِآل لهٍَآ آنْ شًِْآء آللهٍَ هٍَآلمًوٍضًٍوٍعًٍ فْيَ مًيَزٍُآنْ حٍّسٌِِّنْآتُِِّْكَ بٌَِوٍرٌٍكَتُِِّْ ~
أختي هي ما تستحق تقولينها أبداً حتى لو كنتِ معصبة حاولي تمسكين نفسس عنها وإن شاء الله تتعودين إنس ما تقولينها
