انا اليوم حبيت احذركم من شي والله العظيم انه شي خطير وثلاث ارباع المنتديات الله يصلحهم بيدعمونه الا وهو yaoi وللي مايعرف الياوي هو علاقة حب بين رجل ورجل الي هو عندنا اسمه اللواط في اشخاص كثيـــــــــــــــر بيتابعونه وخاصة في الانمي للأنميات اقسام عديده قتال وخيال ورومنسي وكوميدي وغموض وسحر ........الخ ومن انواعه واخطر انواعه الي هو الياوي اولا ليش الناس يتابعونه بكثره اكيد هذا دليل على عدم التقرب من الله ودليل على ان ايمانه ضعيف بالله العلاقه المعروفه والي انخلقنا عليها هي انو الرجال يتزوج الحرمه وهذي هي الفطره الاسلاميه فبالله ايش يستفيد الشخص لمن يشوف اشياء مقززه مثل كذا تخيلو لو مات الانسان وهو على الشي ذا كيف بيقابل ربه بالله كيف يقابل ربه وايش رح يقول له يقول انا احب اشوف الياوي؟؟ في بنات كثيــــــــــــر ربي مبتليهم بأنهم يتابعونه انا مره سألت بنت ((الله يستر عليها)) انت تتابعين الياوي؟؟ قالت ايوا احبه قلت لها ان ذي الاشياء ماتنفع وحرام قالت انا اتابعه بس عشان نوعها كوميدي بالله ايش رايكم في الاجابه اقنعتكم؟؟ طبعا لا في انواع مخصصه بالانمي الكوميدي اما اني اشوف انمي ياوي واقول عشان هو كوميدي هذي اعتبرها اجابه في قمة الغباء وين الديانه؟؟ وين الاسلام؟؟ ولا بس مسلمين كلام المسلم يفعل ويعمل وفي بنات كمان يجهرون بأنهم يتابعون الياوي ابغى اعرف شي واحد انت تفتخرين بشي مثل ذا شي سخيف وماله قيمه ياناس اصحوا البلاده بطلوها مافي احد يفتخر بشي مثل ذا الا لو كان ربي مبتليه بالجنون الخارق لو كنت ولد او كنت بنت اتمنى من كل قلبي ومن اعماق قلبي لو كنتم تتابعون الياوي..انكم تشفرونه من عقلكم لو عندك صور احذفيها..او احذفها لو عندك مقاطع احذفيها..او احذفها لازم تتوبون لله قبل مايفوت الاوان الله غفور رحيم وان شاء الله لو تيتم التوبه النصوحا ربي بيغفر لكم ويبدل لكم سيئاتكم حسنات واخيرا معليش لو طولت عليكم سامحوني لو كان فيه اي تقصير واتمنى منكم تشوفون الموضوع ومو لازم تردون والله اني ابغاكم تستفيدون ليس الا وفي الختام يا اخواني واخواتي استودعكم الله واختم كلامي هذا بفلاش اتمنى تشوفونه وصدقوني ترى قصته حقيقيه http://www.knoon.com/rwasn/play.php?catsmktba=33 واخيرا اتمنى لكم كل خير واتمنة تكونو بصحه وسلامه في امان الله وحفظه ورعايته
