اخوي سون جوهان فصل الاندرويد وسيل مما لاشك فيه قمه الروعه والحماس لكن ماتلاحظون انه ممل شوي يعني المعارك فيه طويله وتمطيط في الاحداث ونفس الكلام على ماجن بو
فصل السايان وناميك فيه هدف يعنى الصراع مع الاشرار على كرات التنين والحصول على الامنيه وهدفهم الدفاع عن الارض اما سيل والاندرويد وماجن بو قتال بلا هدف فقط الدفاع عن الارض
بس عهد سيل وماجين بو فيه تحولات مثل السبر سينز 1-2 وماجين بو يندمج فيه جوكو مع فيجيتا وترانكس مع جوتن وفيه بعد التحول إلى سبر سينز 3 وفيه حلقة بعهد بو أنا تحمست لها من عنوانها كان عنوانها(وداعاً أيتها الأرض)يعني بهاذي الحلقة بو يدمر الأرض كلها وترجع بواسطة كرات التنين الخاصة بالناميك أما عهد فريزا ما فيه إلاَّ بس جوكو هو اللي يتحول إلى سبر سينز وعهد السينز ما فيه أي تحول
اخوي روعــه القصه ماتقاس بالتحولات والاندماجات صح فصل السايان وناميك مافيه تحولات لكنه يلامس المشاعر اكثر وقصته محبوكه اكثر من البقيه موت غوكو - تضحيه بيكولو من اجل جوهان - موت فيجيتا وهو يبكي ويتوسل لغوكو - موت تشاوزو - وكرلين وغيرهم وكذلك تدرج قوه غوكو نشوفه يتدرب بالتفصيل على الجاذبيه في العالم الاخر والمركبه الفضائيه حتى فريزا اعتبره افضل شرير في دراغون بول سلطته وحبه لسيطره وعديم المشاعر اما سيل ماادري طلع على الدنيا وهو يبغا يصير الاقوى وبس !! وماجن بو مجرد مجنون !!
أما ما بكره عهد السينز ولا عهد فريزا أبداً بالعكس هم مثل ماقلتي واجد حماس وأحسن عهد عندي بعد عهد سيل هو عهد فريزا وأتباعه وبعدين عهد السينز وأشين عهد عندي هو عهد ماجين بو والسبب لأن ماجين بو مثل ما قلتي مجنون وأحياناً ما يصير جاد بالقتال أكثر همه هو أكل الحلاو خلاص السوس لعب بسنونه من كثر الحلاو اللي ياكله
السلام عليكم أولا مرحبا بك عزيزتي أميرة الخيال من الواضح أن ساقا الساين وناميك هما الأفضل لديك بالنسبةلي أنا مع الأخ سون حوهان أفضل ساقا الأندريود وسيل فالأحداث فيها جدا مشوقة وأحس أن كل شخصيات القصة أدت دورها بعكس ناميك حتى معركة فريزا وقوكو طويلة جداأكثر من 10حلقات وهذة من سلبيات ساقا ناميك أما في سيل القتال كان جماعي ومثير ومعركة جوهان الأخيرة مع سيل أكثر من رائعة (في النهاية أفضل ساقا الأندريود وسيل) يكفي أن فيه (ترنكس):blink(1):
أنا حسبتها طلعت 30 حلقة من ناحيتي أنا بالعكس هذا من إيجابيات هذا العهد لأني كنت كل شوي أتحمس بعد كل حلقة
حتى انا عندي فصل ماجن بو هو الاسوء ... هههه صح ذبحه السوس وعليكمـ السلام شكرا على الترحيب حبيبتي تقولين ان معركه فريزا وغوكو 10 حلقات ازيدك من الشعر بيت تراها 18 حلقه تقريبا هذا غير قتال بيكولوا وجوهان وكرلين ضد فريزا يعني المجموع 30 حلقه تقريبا
هههههههههه واضح أنك من عشاق الأسطورة بالنسبة لساقا ماجن بو هو الأسوء بالنسبة لي أحسة ملل شوي وفي نفس الوقت مميز بظهور فيدل وجوتن وأندماج قوكو وبيجيتا حيث أنهم شكلوا ثنائي في هذا الساقا أكثر من أن يكونو أعداء
صحيح اروع شي في فصل ماجن بو هو ظهور فيدل وقريت سايمان ( جوهان) وجوتن وترنكس الصغير وكذلك ماجن فيجيتا اعطى للفصل نكهه خاصه اما البقيه اممم ×_×
السلام عليكم اولا احب ارحب فيكي عزيزتي اميرة الخيال واسمحيلي قريت سايمان اهبل ومرة مو عجبني احس انو ماعندوا شخصية بس غوتن وترانكس الصغير يناااس عليهم يزننووووووووووون
وعليكم السلامـ تسلمين يــاقمـــر من قــال اني أحب جوهــان وهو كبير اكرهه مووت احبه وهــو ضغينون في ناميك بس << الحين الاخ سون جوهان بيكفخنا هع حتى فيدل بعد ماطيقهــا انا معك جوتن وترنكس الصغار يزننوووون مره ياقلبي على مرحهم وشقاوتهم :hope:
مرحبا خطيبة ترنكس :hi: أنا معك ياأميرة الخيال جوهان في ماجن بو شخصيتة تغيرت خاصة عقب ماتدرب في كوكب كايوشن أول شخصيتة أحلى بكثيييير:swt::hun: وفيدل شايفة نفسها مدري على أيش:chase: وبنتها بان طالعه عليها وأسوء بعد:shine:
والله صح لايسمعك بعدين بنروح فيها :swell: وانا معك A N G E L اكره فيدل هي على بنتها اللي شايفة نفسها مدري على ايش وجع :shine: يالله انا مررره اغار منها لما شفت ترانكس يشيلها لما كان مغمى عليها اممممممممم:hiroshi: كان ودي اطلعلها وارطشها :catch: احم احم يعني ترا انا بغار عليه <<زوجته على غفلة>>
يا أخوان خلونا نتناقش على شي مفيد الموضوع ما ثبت إلاَّ للنقاش المفيد خلونا من سالفة أحب أو أكره النقاشات هاذي ممنوعة بالقسم خلونا نغير السالفة أنا عنديلكم سؤال أنا أعرف جوابه لكن أبشوف أنتم تعرفون ولاَّ لاء فريزا تعرفون هو من أي كوكب؟؟؟؟؟؟؟؟؟؟؟
ان شاء الله مايكون خاطرك الا طيب ^_^ انا شفت المسلسل كامل مااذكر انهم ذكروا اسم كوكبه بس هم يقولون كوكب فريزا:hmm:
أيوه صح عليك يا أختي بغيت أخبركم عن معلومة غريبة عن فريزا تدرون إن فريزا يقدر يعيش بالفضاء وهذا السبب اللي خلاه ينجو من الموت بعد دمار كوكب الناميك تماماً
