XXXالسس‘ــلـام ع‘ـليكم اع‘ـــضاء الصحراء الكرام كيف اح‘ــوالكم واخ‘ـــباركمان شاء الله عساكم بالف خير اليوم جبت ليكم شعر انا اعتبره من افضل ما سمعت من الاشعار خاصة في وصف الاحوال .......XXXالع‘ــنوان مسـدار النصـ ــيحة للشـــاعـ ـر محمد الحسن ابنعوف XXXيا ريس صباح الخير وياها الحالة خمسة سنين نجابد في القراية رجالة خلاص كمل الصبر والأمور بطالة وإحنا ولاد رواعيه وعقبال ترباله XXX قضينا الخدمة في الميدان كتال وبساله ومضغنا الصبر في صي نسايمو علاله بعد جبنا الشهادات البوظف شاله ود ناسك مدير ... إلا الكفاءة عطاله XXX الدكتور وحاتك جوكي سايق الرقشة وأب شنبات مصاقر البيت مع ناس عشه يا حرس ام مسور الا كديب لا حشه ولـ أنقد بالسنبك تجيبو الكشه XXX أكلو لحمنا ناس الحله قالو عطاله مراتاً طلب مرات كتار عتاله بعد ما رضينا يا ريسنا نبقى عماله فتحولنا الحدود للحبشه والبنقاله XXX بطانتك خمرت فوقنا القبيله فطير واقع المغصه والغبنه الملازمو خطير شباب أتلزم العركم ودوا وقصطير بعد ما عيشو فتق ليش بتدي الطير XXX يا ريس جزم شعبك رقد موجوع ولا هماهو تاني حضارة المشروع الظلم المرض علمنا لحس الكوع والسد أبره في قش للمضايقو الجوع XXX جوامع الفشخره البتصلو فيها براكم تسو كم مدرسة لشعب جاري وراكم ؟ الحرص المدجج اهس كان ضاراكم يوم البعث قابلني ان بقيت باراكم . XXX جت استوزرو الكيزان وملكو السوق ناسين ساقية الدنيا الدوام بتسوق الصفاقه اسه والنقايزه عسوق ما ببروكه ساعة جره الواسوق .. XXX ما بتتوظف الولد الحكومة اتخلت شومالك ضهر ساساق وروحن سلت خلاف الطلبه والمهن الحسابه مخلت إن الجيش أباك ضعت وقنيصتك جلت بنات العفه والعزه وسترت الحال إن أبن العوج والشين تراهو الحال إما يخوضن العوجه ومشي الأوحال ولا تحفي ساساقه جري وترحال XXX سيد المكتب الضروه وتلاته سراير عقب الباب مظلل نازله فوقو ستاير بره تشوف سكرتيرتو ام سديرن فاير قبيل كار الحبش واسع زعماتو حراير XXX التعيين قبيل فوقو الشروط منسجمه شهادة وكمبيوتر فوق لغات العجمه اسه شروطو في الكفل البصد الهجمه والسوق أنزرد بالميسجور والنجمه XXX أول مره تتمنع تقول مي دايره يوم يومين تلاته تره المريكب سايره هبشه وهبشتين قلده وتدور الدايره ولـ تشيل دبيليمها وتقبل غايره XXX عقبان صاحبته ولمة بنات خالاته مرات فد فراش اتوسدن تلاتة البلد القبيل قايل حكمتو صلاته إحنا بغلتك آ ريس وعد عثراتها . XXX يا بلد الوجع ما في الحكومة براها حتنا أنحنا قولة الحق دي ما بنطراها يا الدكتورة عيانتك قضت مسراها وأنتي مفسبكه وجادعه المريضة براها XXX في المستشفي موبايلين وستة شرايح وتسمع قهقهات شنون دكاتره فرايح العيانة تقنت والديكيتير مايح والبجي للحوادث يا الحبايب رايح XXX باليل في المكاتب تلقى ألف حكاية النيرس المكبرته والمرفقة غاية من مكتب مطرف يا المرمده جايه في شن العرق والصقط فوفايه وزير الداخلية سلام الليلة يوم منكورك أولاد الكبار خربوهو جت مشكورك ما دام العوج والشين مرق من كورك تبقى العوجه فيهم ولا في عسكورك XXX عسكور المرور أدو البسوقو إشارة وقوفو ناضمم ضحكو وغمتلو صرار أنا والقاعده جنبي العوحه ما بتتضاره قالت فوق قصد غايتو المعيشه بصاره XXX شرف الكاكي في الغرزة وحكرتو غريشه وتلقاهم جامعات في قهاوي الشيشة اضان الشرطة طرشت ولا عينها عميشة أما الدولة فاهمة والمواطن كيشة .. XXX الدورية تمرق والعساكر شاده والسارينه تنبج في الظلط مي راده أولاد الكبار بالثابتة في كم ماده فد تلفون يدق ترجع تقبل صاده XXX التقرير بجيك كل يوم تمام يا ريس والمؤمن فطن قالك رسولنا وكيس اسه بقولك الحق إن لحقت العيس قبل ما يمرقوك أبان دقون متيس XXX الهيروين زرد جامعااتنا عرض وطول والفنان بغني مع الوزير مسطول لوري البنقو يا ريس بخش على طول قصر يد حكومتك والحكاية تطووووول XXX شريف نجيريا مبسوط من ندى وصاحباته وفي ماي دوقري فرشولهم شرفنا ثباته بعد ما كنا في كرن أم لبوس همباته يات من فينا ديوس راسو تحت الباتـــــــــا XXX في جده ونواحي دبي بقينا حكاية وجرن بنوت مهيرة على الرزيلة حفايه جوازنا أب صقر كسرنا جناحو بغايا والسوداني قوادن غفير أندايــــــــــــه XXX وخابر نضمي يا ريس بجيك في محلك وراجين فوق جمر بندور نشوف راس حلك يا فشيت غبينتنا أم ضلامنا حلك ولا نوارك الوجعة ونصد ونخلك XXX واسندي علينا يا بلد ام تنايه نصايبك وعضي علينا في ساعة الوجع بنايبك أقدلي وشيلينا هموم صغيرك وشايبك رجال في الشينة والوجعة المغبي حبيابك XXX ما بنفوتك إن بخلت وطاتك وجفت وما بنزحزح أن تقلت يمين وإن خفت كراعن ما مشت في حر هواك وإتحفت إن كال الرماد فيها الضحيوه وسفت XXX أبينا السفر والاغتراب في جده وعهداً يا وطن إن شاء الله مافي مرده بنوم في التراب ونخت ضراعنا مخده بنعيش في هواك إن شاء الله نأكل رده ..XXXكلمة اخيرة XXXربما اكون قد وضعت هدا الموضوع متاخرا..... وقد سبقتني به بعض المنتديات ولكن .............اردت ان اضعه لكم لترو قليلا من الحالة اللي.. ..نعيشها احنا بالسودان الرئيس لايهتم ..............ومستشاريه يملكون السوق السوداء................يرفعون الاسعار ولا يهمهم هدا المواطن المسكينمعناها عندك فلوس تقدر تعيش ويانا موعندكـ روح XXXوفي الختـ ـام بقـ ـدم احـ ـر التهـ ـاني لكـ ـل الاعـ ـضاء باقتراب عيد الاضـ ـحي المبـ ـاركـ اعـ ـاده اللـه علينــــا كل عام بالبركة وكل عل عام وانتم يامن سكنتم بالفؤاد بخير يا اعضاء الصحراء الكرم وكل سنة وانتم طيبووون XXX .).....(._.).....(.XXX