السلام عليكم ورحمة الله وبركاته كيف الحال أيها الصحراويون المغبرون إن شاء الله تكونوا بخير وصحة وعافية اليوم وأنا أحرس في الإمتحان جاني سؤال محير وتذكرتكم وقلت أسأل جماعة الصحراء يمكن يفيدوني بالمناقشة السؤال يقول: هل مهمة الأستاذ في الإمتحان هو إمساك الطلاب اللي يغشوا أو مهمته أنه يمنعهم من الغش يعني لو شفت طالب يقوم بحركات بنية الغش هل أبقى أنظر إليه وما أبعد نظري عنه حتى لا يغش أو أتظاهر أني ما شفته حتى يحاول الغش وأمسكه متلبس؟ شو هي مهمة الأستاذ ؟ بدي مناقشة المسألة وشكراً
السلام عليكم ورحمة الله الصراحه الموضوع والاسئله اللي طرحتها وجيهه انت بس لا تجيب اسئله صعبه ما رح يغشوا لا امزح برأيي انك تمنع االطلاب يغشوا افضل من انك تمسكهم متلبسين ع قولتك ههه لانه مسلا لو معلمه تمسكني متلبسه عادي يعني مارح ازعل لهذيك الدرجه ورح اعيد الكره اذا احتجت هههه xD اما المنع هو الافضل .. وكمان الافضل اقناع الطلاب انه هو يكون من تلقاء نفسه مش حاب يغش .. زي مثلا معلمه كانت تتركنا وتقول الله اللي بيراقبكم .. وتروح تطلع من االصف واحنا نكتب الامتحان !! و ما كنا نغش ابدا .. برأيي انه الشيئ من الافضل انه يكون من داخل الطالب نفسه اني انا ما بدي اغش عشان ربي شايفني .. بس هيهات يعني تلاقي طاالب هيك هههه المهم نشوف اراء الباقيين فيها ..شكرآ ع طرحك ^^
وعليكم السلام شوكة امممم الموضوع حلو والسوال حلو كثير وهذا يدل على انو انت متتم بوضيفتك وبمهمتك بمناسبة الغش الناس هسة او الطلاب بالاحرى يحبون يغشون لان حتى ينجحون ويخلصون انت مادام شفتو عم يغش ممكن اتنبهو او لمن يخلص الامتحان ناديلو واحكي معو قلو انا شفتك عم تغش بس ماحبيت افشلك قدام الكل وانصحو احكي معو وبنلو واذا شفتو مرة ثانية اقتلو ههههه لا عم امزح بلغ الادارة واشر على ورقتو امممممم احكي معو بالحسنى وبين الامور الو ونبهوا وهيك شي وصراحة جدا حبيت الامر انك سالتنا لان يعني حسيت انك متتم بامر الطلاب شكرا شوكة واتمنى انو قدمت شي يفد تقبل مروري البسيط
وعليكم السلام امم رايي مو مختلف كثير عن رأي منارة بظن انو من الافضل انك تمنعهم قبل مايغشو لانو اذا مسكتهم قبل مايغشو رح يخافو و مارح يقدرو يغشو لانو رح يقولو لانفسهم انو انت تشوفهم مرة تانية ...فهمت شي من كلامي ؟؟ مابظن وفي كمان طلاب مايقدرو يغشو لانهم يبقولو انو الله رح يشوفهم وهيك ...بس للاسف قليييلون المهم .. رأيي هو انك تمنعهم قبل مايغشو وتقبل مروري البسيط
السلآم عليكم بهالسؤال زكرتني بامتحاناتي و صاحباتي وقت الامتحانات ههههههههه لنكون صريحين انا بوقت اللزوم بغشش لكن ما بغش ههههه بس طبعا هالشي عملتو بجوز مرتين او 3 بحياتي كلها هههه ما علينا .. بالنسبة لسؤالك برأي الاستاذ هون دوره متل ما انت يا غراب قلتلي انه يراقب الطلاب و ازا صار و لقي طالب بغش يمسكه و يوقع ع ورقته بحال كنت المسؤول عن هاد الطالب المفروض تعاقبه لحتى ما يرجع يغش و في حال ما كنت المسؤول عنه مهمتك انك توقع ع الورقة و تحوله للاستاذ المسؤول عنه و هو بيتخذ الاجراء المناسب .. برأيي الغش ما لازم ينسكت عنه سواء بجامعة او مدرسة او غيرها و بالذات مع الطلاب يلي بيفتقرو للحياء ، و خاصة انو الغش من القضايا الاساسية الممنوعة بالدين الاسلامي و غير هيك ما بصير في انصاف بين الطلاب بالتحصيل العلمي يعني يلي بيدرس نفس يلي ما بيدرس .. لهيك مفيش داعي ندرس ههههه و التأثير السلبي لبعدين في الحياة العملية .. بالنهاية بقول يلي ببني حياته و تحصيله العلمي ع الغش بقضي طول حياته غش بغش ، يعني كل عيشته بقضيها و هو بغش بنفسو اولا و بغش يلي حواليه تانيا .. طبعا عارفة اني طولت و عارفة اني طلعت عن الموضوع لكن اندمجت و اتفاعلت و هيك ههههه يعطيك العافية ع الطرح الرائع ما تحرمنا من جديدك سلآمي .. انيآ
رح اعطيك حل جذري تريح فيه دماغك وادمغتهن بس لازم عنجد اتطبقه بصرامة! اعمل الامتحنات نماذج مختلفه متلا تلات نماذج كل واحد بيختلف عن التاني وبعدين اقسم الفصل نصين ، نص توديه لغرفه صفية تانيه فاضية متلا الطلاب اللي فيها عليهم حصة رياضه ومو موجودين فيها ؛ و بكل غرفه اعمل خط عمودي فيو طلاب وخط ما فيو وهكذا بالغرفه التانيه بحيث انو الطالب بصير لا عن يمينه في طالب ولا عن يساره في طالب و كل واحد بعيد عن التاني وانت بتكون شايف الكل و كل واحد نموذج مختلف ، ولا تنسى بالغرفه الصفيه هديك تجيب معك معلم او تنين يراقبو هناك ويساعدوك هاد اللي عندي و لو كنت معلمة كنت رح اعمل هيك وتسترجي بنت تحكي مسلا النموذج هداك اسهل سدئني لاخصم من درجاتها ،، شريرة بعرف
مشكورين على نقاشكم واقتراحاتكم لكن المشكلة هي كل عضو عنده اقتراح مختلف عن البقية طيب رايح أكون صارم في الحراسة وأقضي عليهم سلام
