خطورة العطالة.. قصة قصيرة . بقلم طارق اللبيب . -------------- البحكي في الحكاية دي واحد اسمو عبد المنعم ساكن في حي من احياء المدينة الغريبة دي . جايهو ود خالتو زيارة من الفكي هاشم .. قال ليهو بجيك بعد المغرب . نتونس واحكي ليك جديدي وتحكي لي جديدك . وابيت معاك والصباح اصلا ماشي الخرطوم .. اها ضرب ليهو بعد المغرب قاليهو انا في لفة الزلط . يا زول عبد المنعم .مشى اتلقاهو في الزلط بره .. وجا ماشي معاهو داخلين على الحلة . في الشارع البدخل على البيت .. في شباب كدا قاعدين . في صبة عالية وبتونسو .. عبد المنعم قال ليهو عارف ياخالد .. الشلة البقعدو في الشارع ديل .. كل مرة اجي فايت بي عندهم.. بقولو لي اقعد اخد ليك خشم خشمين .. وانا بقول ليهم بمشي واجيكم . وبزوع منهم .. ديل ناس وهم ساي ياخي .. والله انا هسي بخجل ليهم عديل من قعدة الشارع دي ..عارف انا زمان كنت بقعد معاهم .. وبحس بكلام الناس من دون مايتكلمو .. يعني عارف النسوان البجن فايتات .. والرجال كلهم بعاينو لينا معاينة احتقار .. وعيونهم بتقول لينا .. والله قعدتكم دي قعدة عطالة وصعلقة بس .. وفعلا كنا بتاعين شمارات .. لابنخلي المراة ولا الرجل ولا البت ولا الولد .. واي واحد بجيب لينا الاخبار من ناس بيتهم .. امكن اليومين دي القصة دي خفت شوية وبقو مشغولين مع الموبايلات .. لكن برضو الموبايلات فيها بلاوي .. وكل واحد داير يوريك الصور بتاعات حبيبتو .. او صاحبتو . وكدا .. ومرات يكون صاحبك شديد يصر عليك ترسل ليهو صورتها .. بس يومين تلقاها مــلت الواتساب .. والمصيبة الفيديوهات .. والله وضع يجيب اللعنة .. دقيقة خليني اصل البيت احكي ليك .. القصة الاساسية الخلتني ابعد من الناس ديل .. اها بعد وصلو البيت .. خالد قاليهو احكي لي سريع الشمااار .. قال عارف ياخالد .. الكلام ده كان قبل تلات شهور .. في واحد صاحبنا من الشلة البقعدو ديل ذاتهم .. اسمو منجد .. جاب ليهو فيديو في تلفونو .. وقال والله الليلة عندي ليكم فيدو مبالغة بتاع واحدة من بنات الخرطوم .. ساكنة في (........) موش بت عز عليك الله ..؟ وموش كدا وبس ..انتو براكم اليلة بتشوفو الدامة دي عاملة كيف .. والله تجيب السكتة القلبية .. والبصور فيها منو اتخيل !! دي صاحبتها .. وصاحبتها دي .. زولتي انا وبس .. شلت منها الفيديو بالقوة .. خليتها ليك تبكي .. وحلفتني ما اوريهولي زول .. يعني الفيديو حصريا" على استديوهات منجد .. هه . لكن انتو زي روحي .. انا بوريكم ليهو بس مابرسلو لكن الدايرني ليكم ارسلو ليهو بلوتوث .. بي مية وخمسين .. وده كلو انا حاضر عليهو ياخالد .. وفعلا فتح لينا التلفون وشفنا الفيديو كلنا .. البت شكلها بتستعرض .. في جسمها كدا ..وترفع في هدوما ..وبتتعرى بطريقة غريبة ومخجلة شديد .. والفيديو مافيهو صوت .. يعني مامعروف البصور ده منو .. لكن انا براي عرفت انو ديل فعلا بنات مع بعض.. ماخدات راحتن على الاخر .. والشي اللاحظت ليهو ..انو البت كرعيها محننات .. يعني متزوجة . بس معناها متزوجة قريب .. لانها صغيرة في السن .. كويس ..؟ .. المهم في واحد من الشلة معانا اتخلع من الفيديو وقال معقووول؟؟ قلنا ليهو في شنو ياراشد ؟ قال لالا مافي حاجة .. وراشد الاتخلع ده ذاتو قال لي منجد انا بدفع ليك المية وخمسين الف .. الفيديو ده عجبني شديد .رسلو لي ... ودفع القروش تلات ورقات قدامي انا شفتهن تب .. اناقلبي اكلني من الموضوع ..وحسيت بانو راشد بعرف البت .. وبقيت متوجس .. بعد الناس بدت تتفرق ..راشد الاشترى الفيديو .نادى منجد الجاب الفيديو .بعيد واتكلم معاهو .. ماعارفو في اللحظة ديك قال ليهو شنو؟ اها يازول مرت الايام .. وانا نسيت القصة دي .. لانو ده برنامج يومي حكاية صور البنات . والفيدهات دي .. اها بعد فترة لقيت امي وغاده اختي بتكلمن ..غاده قالت ليها قالو السبب فيديو في تلفون .. اها انا شخصيا" ماعارف ربطت بين الفيديو الشالو راشد .. وبين كلام خالتك وغادة ده كيف؟ طوالي ناديت غادة اختي . قلت ليها في شنو البتحكو فيهو انتي وامي ده ؟؟.. قالت لي بتعرف فايز.. الببقى لي ناس راشد .. الساكن في الخرطوم في الحتة الفلانية .. قلت ليها اها مالو؟ قالت لي حكت لي اخت راشد قالو فائز دقا مرتو وطلقها .. واتبرء من ولدو وقال ده ماولدي .. ولمن اهلها سألوهو وراهم فيديو .. طوالي اهلها قالو ليهو خلاص يازول نحن عاذرنك والغلط من بتنا .. امسح الفيديو ..واسترنا الله يسترك .. والناس السمعو بالكلام كلهم دايرين يعرفو الفيديو فيهو شنو .. والبت بقت سمعتها زي الواطة .. قالو الناس كلهم يأشرو عليها في الشارع ويتغامزو .. غايتو دي كان انا كنت بنتحر .. .... بس تعال شوف انا عملت شنو .. .. يازول انا اتضايقتا ضيق شديد خلاص ..وحسيت باني لو سمعت القصة دي وسكتا.. انا زول خاين وخايب .. لانو البت المسكينة دي بريئة ..وماعندها ذنب وبتصور فيها صاحبتها .. اتوكلت على الله ومشيت . لي راشد ..قلت ليهو ياراشد انت زول حاقد .. وربنا بنتقم منك .. انت عارف فائز قريبك طلق مرتو ووسخ سمعتها بي سببك .. انت وصلت ليهو الفيديو .. وما وريتو الحقيقة .. انا والله لو عندي بيهو معرفة .. والله امشي افضحك انت وصاحبك .. اها راشد قلا ادبو علي.. وقال لي انت زول حشري ..مالك ومال الموضوع .. والمشكلة اتاريها عندها جذور انا ما كنت عارفها .. فائز راجل المراة ده.. كان داير اخت راشد ..وما اتفقو .. قام خلاها .. وناس راشد واهلو بقو محروقين من جوة عليهو .. بس راشد الجبان.. لمن لقى الفيديو.. استغلاها فرصة ..عشان يدمر فائز .. وانا بقيت اسأل من فائز راجل المراة .. لغاية ما اتوصلت ليهو ..قالو عندو محل بتاع ملحقات كمبيوتر في الخرطوم .. مشيت ليهو هناك عديل .. وقلت ليهو انا عايز افيدك ..بس توعدني ماتدخلني في مشكلة .. قال لي احكي .. حكيت ليهو انو الفيديو الجابو ليك راشد .. صورته بت صاحبة زوجتك ..كانن براهن وماخدات راحتن .. والزول شالو من صاحبتها بالغصب وكدا كدا.. المهم حكيت ليهم كل المشهد بالصورة الكاملة .. قال لي .. بس انا ما ممكن اصدقك.. الا اسمع من الولد الاسمو منجد ده .. قلت ليهو انا بجيبو ليك ..بس توعدني ماتدخلني في مشكلة .. قال لي والله بوعدك ..بس انا عايز اتاكد ..عشان انا بقيت شاكي حتى في ولدي العمرو 5 شهور .. المهم اتفقت معاهو على مكان قريب لي صينية القندول . وسقت معاي منجد . قلت ليهو يامنجد ..انت اليوم اك يوم وريتنا الفيديو بتاع البت الفلانية ديك .. راشد وكت ناداك براك قال لك شنو؟ منجد قال لي راشد قلع مني التلفون.. ومسح مني الفيديو .. وقال داير الفيديو يبقى عندو هو وبس.. لانه اشتراهو بقروشو .. قلت ليهو يعني الفيديو ماعند زول تاني .. قال الا عند صاحبة البت .. المهم مشينا نلاقي فائز .. واتلاقينا التلاتة .. وماكلمت منجد اننا ماشين لمنو .. وكت وصلنا لي فائز . قلت ليهو يامنجد ..انا عايزك تحكي لي صاحبي ده قصة الفيديو الاشتراهو منك راشد .. ومنجد في البداية اتلكلك .. لكن انا وكت نهرتو ..عرف نفسو ماعندو فرار.. لانو منجد هرشة وجبان ساي ..وبخاف مني موت .. حكى كل القصة ... وفائز ده شال نفسو وختاهو .. وارتاح شديد .. زي الفي حمل نزل من ضهرو .. ومن محلو داك مشى حنس اهل المراة ..وطلب منهم العفو بس اشترط مع زوجتو.. انها تاني ماتصور مع صاحباتها نهائيا" .. المهم الحمد لله المراة رجعت لي راجلها .. والطفل البرئ الكان ممكن يعيش حياة لقيط .. ربنا نجاهو ورجع لابوه.. وبقينا انا فايز بينا الخوة .. دي ياخالد اكتر حاجة مفيدة عملتها في حياتي .. . وانا من اليوم داك والعطالة ديل تاني بقيت بتحاشا اجي فايت بي شارعهم ده .. سبحان الله ياعبد المنعم .. ناس بتهدم في المعمر .. وناس تلملم في المدمر .. لك التحية ياعبد المنعم .. مشكورين كمان الحبايب الهنا ..
وعليكم السلام ورحمة الله وبركاته أهلين أخي ,, كيفك وكيف أمورك ماشية ؟ تسلم عالقصة الروعات رغم اني ما فهمتها صراحة مليح وكما هو ملحوظ منك ,, هو إنك مبدع في شتى المجالات مبدع بمثابرتك الدائمة ,, ومتفاعل ومجتهد لإبهارنا وإمتاعنا فكل الشكر والتقدير لك ولجهوداتك عالعموم تسلم خيي على إمتاعنا بقصتك دوووم طرحك الجميل لا حرمتنا من إبداعاتك ويشرفني أكون أول الواصلين تقبل مروري
ﺻﺤﻴﺢ ﻛﻼﻣﻚ ﺧﻴﺘﻮ ﻭﺍﻟﻠﻪ ﺧﻄﺮﺓ ﺑﺲ ﺷﻮ ﻧﺴﻮﻱ ﺍﻟﺪﻭﻟﺔ ﻡ ﺑﺘﻘﻮﻡ ﺑﺪﻭﺭﻫﺎ ﺑﺎﻛﻤﻞ ﻭﺟﻪ ﻭﺣﺘﻲ ﺍﻟﻠﻲ ﻭﺟﺪﻭ ﻋﻤﻼ ﻫﺎﻣﺸﻴﺎ ﺑﺎﻻﺳﻮﺍﻕ ﺗﺎﺗﻲ ﻋﺮﺑﺔ ﺍﻟﻤﺤﻠﻴﺔ ﻭﺗﺼﺎﺩﺭ ﺑﻀﺎﻋﺘﻬﻢ ﻣﻬﻤﺎ ﻛﺎﻧﺖ ﻭﺍﻟﻠﻪ ﺣﺎﻟﻪ ﺻﺒﻌﻪ ﺑﺲ ﺭﺑﻚ ﻳﻬﻮﻥ
