صحراء الأنمي AnimeDesert صحراء الأنمي AnimeDesert صحراء الأنمي AnimeDesert صحراء الأنمي AnimeDesert

قصيدة المرجله

الموضوع في 'المنتدى العام' بواسطة ظ…ظ„ظƒ ط§ظ„طµط­ط±ط§ط،., بتاريخ ‏27 يوليو 2008.

[ مشاركة هذه الصفحة ]

  1. [frame="7 70"]إذا المراجل لبسة شماغ وعقال ***** قل للعذارى يلبسنّ العمايم

    ما عاد يفرق زول حرمه ورجال ***** دام الفعايل تشبه البعض دايم

    المرجله ما هيب كلمه وتنقال ***** وتروح ما راحت هبوب النسايم

    وإلا خشونة صوتٍ أو رفع الأثقال ***** أو رزة صدور ٍ وفعل الزلايم

    ولا هي بعد مفتاح موتر وجوال ***** وإلا ردا السان ٍ حديثه شتايم

    المرجله شيمه عن القيل والقال ***** رفيع نفس ٍ حر بالجو حايم

    المرجله عقلٍ وِزن وزنه جبال ***** ودون العقل وش فرقنا والبهايم

    يا مسندي لو مايل الوقت بي مال ***** يا وِلد ابويه يا عظيم العزايم

    يا معرّب الجدين امن العم والخال ***** يا نخوة المفزوع وقت الهزايم

    المرجله يا خويه هي طولة البال ***** هيّ العزم هيّ الصبر فالظلايم

    فيها الكرم عزه و دله وفنجال ***** فيها الكرامه عن ردا الطبع شايم

    ومن لا يعرف الرب في طيـّـب الحال ***** لابد وقت الضيق بالهمّ هايم

    حتى صلاتك مع جماعات ورجال ***** في خيرها يا خوي نعم الغنايم

    و اليا انتصفت الليل يا طيب الفال***** يا عظمه اجرك وانت ساجد وقايم

    ولامنـّـها للرب رِفعنّ الاعمال ***** حسن الذكر لا قالو فلان صايم

    واحذر تبيع النفس في درب الانـذال***** وتتبع خوي إبليس راع النمايم

    النفس خيلِ لك إذا كنت خيّال ***** ومن لا قوى نفسه قوته الهزايم

    ولا صرت ما تدري, على ويش رجال؟***** والله خسارة فيك ذبح التمايم[/frame]
     
  2. جاري تحميل الصفحة...

    مواضيع مشابهة في منتدى التاريخ
    من روائع نزار قباني قصيدة (أتحبني و أنا ضريرة) المنتدى العام ‏4 أغسطس 2013
    هذه قصيدة كتبتها بعنوان قولي قبل مايمحي اثره المطر المنتدى العام ‏23 ديسمبر 2011
    قصيدة بقلمي المنتدى العام ‏12 ديسمبر 2011
    هذه قصيدة كتبتها بعنوان أحلا من القمر المنتدى العام ‏11 ديسمبر 2011
    هذه قصيدة كتبتهابعنوان ماحلا المنتدى العام ‏8 ديسمبر 2011
    هذه قصيدة كتبتهابعنوان نعيش حكايات باوهمنا المنتدى العام ‏7 ديسمبر 2011