صحراء الأنمي AnimeDesert صحراء الأنمي AnimeDesert صحراء الأنمي AnimeDesert صحراء الأنمي AnimeDesert

مصطلحات جداوية

الموضوع في 'المنتدى العام' بواسطة Satan's Daughter, بتاريخ ‏1 يوليو 2007.

[ مشاركة هذه الصفحة ]

  1. بسم الله الرحمن الرحيم
    اليوم جمعت لكم الكلمات دي
    من كل شوارع جده
    ومعانيها
    تحت شعار
    السياحه بدون كلمات غير مفهومه

    ويالله نبداء





    أبو كلب
    وهادي الكلمة تنقال لما يكون في شي ما يعجبك هههههههههاي يعني زي
    لمن يكون جوالك قديم ومعدوم العافيه تقول عليه جوال أبو كلب ولمن
    يكون قلمك ما بيكتب زي الأوادم ويقطع تقول قلم
    أبو كلب


    أشكل

    جات فتره انتشرت دي الكلمة بصورة كبيرة وهيا بشكل عام معناها الطناش
    فلمن تيجي تبغى تطنش شي تقول أديه اشكل ومأخودة من لعبة البلوت او
    الورق للاخوان اللي ما يعرفو معنى البلوت


    أطبعوا
    ههههههههههاي من الألفاظ المضحكة جدا وتنقال لمن شخص ما يسمعك ويسأل
    ايش قولت وماتعيد الكلام تاني فتقوله اطبعو بلاهه وربي
    بلاهه





    أل

    انتشرت بشكل رهيب اضافة ال التعريف من باب المبالغة في الفترة
    الاخيرة زي مثلا لمن تشوف واحد غشيم تقول مو بس غشيم الغشيم ههههههه

    ماراح يفهمها الا اهل الحجاز بصراحه لانها تتنطق بطريقة مميزه




    إنبراش

    نعرف انه لمن بتلعب كوره واحد يدخل عليك معناتها انبرش عليك لكن عند
    الشباب صار لها معنى تاني انبراشة صار معناها انه دخله غلط وسط
    الكلام يعني انه تكون انته والشلة بتهرجوا في موضوع ويجي واحد يقول
    كلام مالو أي علاقة بالموضوع هنا نقول فلان انبرش وهادي تصير
    انبراشه
    ولا لمن يكون الكل ساكت ويجي واحد يقول كلام ماله داعي زي
    نكته بايخه مثلا هنا نقول على الحركة دي انبراشه




    بسط وهز وسط
    تخيلو الفيلم الهندي دا كولو عشان تجاوب على احد يقولك كيف حالك؟


    بلف :ههههههههههاي من اضحك المصطلحات بصراحة طبعا الشباب يعرفو البلوف
    معنى انه شخص ينبلف يعني انه يسوي الشي بسرعه بدون تفكير مثلا لو
    شاف صاحبه اشترى سياره جديده وعجبته قوام جاب وحده من نفس النوع هنا
    نقول انه بلف ينبلف بسرعة هههههههههاي ولمن يكونو اتنين بيتضاربو
    ويجي واحد يحرش ..

    ولا لما يكون واحد يجري بالكورة ولساعو بعيد عن المرمى ويجي واحد

    يقولو شوووت يقوم يشووت كدا بسرعة دا نقول عليه انبلف ههههههههااي
    احس بعض الناس ماحتفهمها بس هوا معناها كده وخلاص



    تشبيك
    : ودي الكلمة معروفه وانتشرت بمختلف ارجاء المعمورة ومعناها انه لمن
    واحد يقول انا شبكت فلانه يعني انا خليتها تعجب فيا وتحبني ولا
    تكلمني وزي كدا




    تغريز

    كلمة يعرف انه لمن السيارة تغرز يعني تغرز في الرمل لكن بين الشباب
    المصطلح ده غير يعني لمن انته تيجي وتقول غرزت عند فلانه يعني وقعت
    في دباديبها ههههههههههه او تقول فلانه غرزت عندي يعني وقعت في
    دباديبي ايش بالله الكلام الفاضي دا نجيبلك ونش
    احسنلك
    هههههههههههههههههههاي

    حمزه
    : هادي اللفظ اللي المفروض يتلغى من قاموس الشباب بتاتا البتة لأنه
    على اسم صحابي جليل وحرام نهين الأسم بالصوره هادي وحمزه هادا اللفظ
    معروف حاليا بين مجتمع الشباب بالشخص الركاب يعني الكزاب فلمن تلاقي
    احد يبكش يقولوه بس ياحمزه



    جنط
    : الكل يعرف جنوط السيارات طبعا لكن اليومين دول برضو صار للجنط
    معنى تاني ..
    يعني لمن واحد يقرفك ويطفشك من كلامو ..
    يقولولك الشباب اعطيلو جنط يعني طناش ..
    وهادي زكرتها فوق بمعنى
    أشكل

    دافور
    : دافور معناها زمان في الحجاز الفرن ولكن دحين صار معناها البنت او
    الولد الشاطر\ة في الدراسة نقول عنه\ا دافور\ه اللي دايمن شغال
    عالكتب ولا يسيبها زي ما يسموه المصارية عثة كتب

    دعس : دي الكلمة تنقال للاقدام على الشي وتنفع مرادف لكلمة قدام يعني
    لمن مثلا يجي احد يقولك تيجي نروح التحلية ترد عليه وتقول والله دعس
    يعني يلا معاك
    ولا هيا شباب نلعب كورة يقولولو ادعس

    زي الكرتوووون :
    تنقال للواحد
    الأهبل



    شاكوش

    : معناها الاصلي طبعا المطرقة لكن دحين صار معناها البنت ولا الولد
    اللي مو حلو هههههههاي نقول عنه شاكوش



    شباب في رحلة

    : وهيا مرادف لكلمة مشى حالك
    فلمن تعمل شي وما يطلع مره مزبوط فتقول للي جنبك يااخي عادي شباب في رحلة
    ههههههههههاي من فين جات هادي الله اعلم
    ولا تسوي شي مو معتاد كدا وتحس احد استغرب فتقولو شباب في رحلة ياخي

    شوربة

    : طبعا كلنا نعرف الشوربة احلى شي عندنا هنا شوربة الحب على الفطور
    ياسلام سلم لكن
    هنا معناها غير فلمن انته تقول شوربه يعني شي سهل
    فلمن مثلا يكون عندك اختبار ويكون سهل جدا تقول الاختبار كان شوربة
    وهكذا
    ولا مسلا تكلم احد وتقولو انا اروح شوربه ..
    يعني اروح وطي ..
    ولا تيجي المدام تجبلك الاكل تقوم تقولها حياتي من غيرك شوربة

    صاروخ

    : هههههههاي طبعا نعرف الصواريخ لكن هنا معناها شي ثاني معناها

    البنت الحلوة فلمن الاولاد يشوفو بنت حلوة يقولو عنها صاروخ



    طقطقة
    : ودي الكلمة تنقال لمن تبغى تتسلي في واحد يعني تستعبط عليه وهوا
    اهبل يكون مسكين على نياته وتلاقي ياما شباب مثلا متجمعين يقولو لو
    جا فلان نطقطق عليه ولا تلاقي واحد يجي يقول امس طقطنا على راس فلان
    وزي كده



    في الألف وفي المليون
    دي حلوه مره وهيا لمن تشوف شي يعجبك ويكون مميز مافي زي يعني او
    تعمل حركه مميزه او شي زي كده لنفرض مثلا جوال عجبك تقول والله جوال
    في الألف أو تقول جوال في المليون


    ما عندك احد
    : هههاي كلمه فله ولمن مايكون عندك هرجه
    وتنقال للشي اللي مو تمام


    نمرة واستمارة

    : ودي تنقال عند التأكيد وغالبا في الغباء والهباله زي مثلا تقول

    فلان أهبل بنمرة واستمارة


    كاي
    : وهادي هيا ضحكة الشباب الجديدة ويضحكوها وقت التريقة والشماتة و
    لا دحين صار الضحك تقول كااااااي بصوت عالي وتمد الألف


    هبقة
    : هبقة زمان اعتقد كان معناها سرقة لكن دحين اتغير المعنى فلمن تقول
    مثلا والله هبقت انا والشباب ورحنا الكباين متلا فهبقة فهنا معناها
    طلعة وليها معنى تاني بمعنى هروب زي لمن طالب يقول أمس هبقت من
    المدرسة يعني شردت منها او تسوي حاجة غريبة على حركاتك انتا تقول
    يا عمي هبقة



    يعطيك
    : دي الكلمة من الكلمات الجديدة وتنقال للتشجيع يعني لمن تلاقي احد
    عامل حاجه رهيبه تقوله يعطيييييييييك بمد الياء التانية زي متلا
    يكون سجل قول ولا شي زي كده



    أرنب .. ..
    ..
    يعني قلك ناس يبغوا يسووا انهم محترمين ومايبغو يقولو للقدامهم انو كزاب ..
    يقومو يقولولو كده يعني زي واحد قاعد يتكلم ويحكي وكول كلامو بكش وكذب
    يقوم واحد يقول للتاني يووواد شوف شوف ارانب


    يلعن ام الفله ..
    وهادي من
    الكلمات الي ماسكه في لساني ...

    لمن يكونو في شباب وعجبتهم مره الطلعه ولا في اولا يبسطو الواحد
    يطلعو يقومو يقولو على الطلعه متلا يلعن ام الفله ..



    فوكنا ..
    يعني تكون مافيك و واصله معاك على النهايه ..
    واحد مطفشك تقولو ياشيخ فوكنا ..


    فوكها ..
    هههههههههههاي هادي المره هوا حيفكها ..
    لمن الواحد تكون اخلاكو زفت ومررره طين ..
    تقولو ياشيخ خلاص فوكها
    ...

    قويه ..
    لمن يسير شي مو عاجبك ولا شي كده مو زي الناس ..
    تقول قوييييييييييييه بشد الياء



    خريييش ..
    دي الكلمة لمن تكون جالس بين الشباب ويجيك واحد

    يجلس يكدب ويلفق في الحكاية ويملح فيهاتقوم تقول خريييييش


    كووووووول ..
    وتنقال على أي شي يعجبهم ..

    وهادي حكتر منها ..


    جييييييد ..
    بشد الياء .. لمن يعجبك الشي كول جيييييييد ..


    بااااااااد ....
    لمن تشوف امر مو حلو ولا ولد سيء منظرو يقولو عليه باد .
    بمد الالف ..


    هيااا خير
    لما يسير شي مفاجيء ولا يكون في حاجة غريبة كدا ولا باسوي نفسي
    مستغرب ولا باستهبل اني مش مستوبع فعلى طول


    اتمنى تكونوا فهمتوا الكلام
    وإذا في كلمة ما فهمتوها بس أعطوني خبر
     
    • أعجبني أعجبني x 2
  2. يعطيك العافية ع الموضوع الرائع
    تقبلي مروري
    كينا
     
  3. اصلها مو جده
    اصلها
    الزحف
    يعني الصايعين

    تصحيح

    شاكوش

    للبشع

    مخربها

    للي زاحف وناجت

    مهوي
    يعني مايهتم باي شي ومجازف

    بايعها
    يعني اعقلها وتوكل

    وحاجات كثيرررررررررررررره
    من الزحف والنحت
    ع العموم ماقصرتي
    يامخربتها
     


  4. أنا ما أقلك أصلها جدة
    هذي كلمات منتشرة في جدة اخترعها شباب جدة
    وهذي الكلمات الكل يستعملها يعني مو الصايعين
    وأنا بس حبيت أوضحها
    وخلي كلام الجداويين لأهله
    وشكراً
     
  5. يسلمووووووووو ع الموضوع..
     
  6. هههههههههههههههههههههههههههههههههههههههههههههههههههههههههههههههههههههههه والله العظيم انتي رهييييييييييييييييييييبة انا في حياتي ماشفت بنت فاهمة في هالحركات زيك يعطيك يابنت الشيطان يعطيك العافية موضوع رائع تقبلي مروري
    هـــمــــس النــــجــوم
     
  7. هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    والله موضوع مررررة تمااااااام تسلمي يا بنت الشيطان على الموضوع الرائع تستحقي التقييم عليه.
     
  8. تسلمي اختي على الموضوع الفله
    والله اشوفك صرت نشيط اليومين هذي يا عماد
    في امان الله
     
  9. ولد قول عمو عماد ههههههههههههه هي لاتصدق تروح تعطيني بطاقة حمراء ثانية شكلك اصلا ماصدقت تشوف احد تعطيه وجربت علي قلك
     
  10. واللهي الوضوع صارله من زمااااان توكم انتبهتوا

    هههههه والله هذا ولا شي بالنسبة لخبرتكم

    شوكرررن ياعماد على المرور اللي نور الصفحة

    دارك يامي
    شوكرررررررن وبشدة على مرورك والتقييم

    ناروتو
    انت اللي يسلموا على المرور
     
  11. ههههههههههههههههههههههه
    اني اليوم انتبهت
    خخخخخ
    سوري والله مجنت منتبهة للموضوع
    وتسلمين حبيبة قلبي عالموضوع الحلو
    والكلمات الاحلى
    كل هذا من عضوة احلى واحلى اكيد
    :26bdd2fd66: