صحراء الأنمي AnimeDesert صحراء الأنمي AnimeDesert صحراء الأنمي AnimeDesert صحراء الأنمي AnimeDesert

*عـين عـلى فلسطيـن .. عن أي بآريسٍ يتحدثون .. وقدسنـآ تسحـر آلع‘ـيون||~

الموضوع في 'التصوير الفوتوقرافي' بواسطة «منـآرة آلبح‘ـر», بتاريخ ‏6 فبراير 2015.

[ مشاركة هذه الصفحة ]

  1. [​IMG]

    كيـــف الأمــاميــر ؟ :D: إن شاء الله كلكم بأفضـل حــاال

    اليوم موضوعي اللي أكيد رح يكون جميل و رح تقرأوا فيها التاريخ برحابة صدر أكيد عن القــــــــــــــــــدس

    نبذه عن كل مرحلة من المراحل التي مرت بها القدس طوال التاريخ.. معليش ع طول التاريخ بس اللي ما بيعرف تاريخ القدس معنآه مآ بيعرف إشي بالتاريخ بصرآحه ~ .. حاولت أختصر معلومات قد ما بقدر رأفة بكم خخ .. نبلش بس


    القدس:[بفترات التاريخيه القديمة] أول اسم ظهر لهاا "اورشليم" على قطعه فخار فرعونية ليلعنها المصريين لانهم لم يستطيعوا احتلالها ،لكن يبوس اسمها الكنعاني .. ظلت القدس تحت أيدي اليبوسيين أو الكنعانيين حتى اخذها سيدنا داوود عليه السلام و من بعده ابنه سيدنا سليمان عليه السلام وسادت الديانة اليهودية بعدين إجاا الآشوري "نبوخذ نصّر" دمر القدس و دمر هيكل سليمان"حسب زعم اليهود" ونقل اليهود ع بابل و طردهم من القدس ،بيستاهلوا بصراحه :p
    [اليوناان ]: بعد كل هاد اجوا اليونان احتلوا القدس ،اهل القدس تأثروا باليونان بشكل كبير و اخذوا طابع اليونايين باللباس و الكلام و الطعام و كلشي
    [الرومان ]:وصل القدس بومبي عام 63 ق.م واصطدم بالاشوريين و صارت معارك قوية وانتصر الرومان،بعدها الامبراطور هادريان دمر القدس وسمّاها ايليا كابيتولينا و وكانت ديانتهم وثنية بهالمراحل ، وبعدها انولد السيد المسيح عيسى عليه السلام وكانت الدعوة للمسيحية سرية و صلبوا "شبيهه" لكن فيما بعد اجا الامبراطور قسطنطين و اعتنق المسيحية وقامت الدولة بتغيير مبادئهاا ع اساس الدين الجديد وقامت أمه "هيلانة" ببناء كنيسة القيامة الموجوده حالياً بالقدس واستمر الرومان في فلسطين 700 سنة.
    [الفـرس] :رجعواا احلتلوا القدس ،ودمروا كل كلشي بالقدس وبعدين استردها الامبراطور البيزنطي "هرقل" واعاد بناء المدينة و الكنائس كلها
    [لفترة الاسلامية ]: هزم المسلمون الروم في معركة اليرموك و دخل عمر بن الخطاب القدس سلما واعطى الامان لأهلهاا بالعهده العمرية ،بعدين أخذ معاوية بن أبي سفيان [الخلافة الاموية ]بعدالخلافة الراشدية ،وكان اهتمامهم بالقدس أكبر ، وبالمرحلة الاموية تم بنااء مسجـد قبة الصخرة لتخليد رحلة الاسراء و المعراج اللي قام بها الرسول محمد صلى الله عليه و سلم ،القدس في عهد بني اميةأزدهرت كثير و زاد جمالها و كان عندهم رخاء اقتصادي هائل ، بنوا المسجد الاقصى تبع القبة الرصاصية ، و المسجد المرواني ، [الخلافة العباسية ]: انهارت الدولة الاموية بسبب الخلافة العباسية ، ماكان لهم لمسات واضحه كثير ع القدس بنفس العصر تقريبا ظهروا [الاخشيديين ]لهم مقبرة خاصة بالقدس وبالمقابل كانت سلطة جديدة تظهر تحديدا في تونس هي [الخلافة الفاطمية ]:فيما بعد قدروا يسيطروا ع القدس، بنوا مستشفى بالقدس تعرض المسجد الاقصى لزلزال عنيف وقتها ،و اضطروا لاختصار مساحته لعدم توفر الامكانيات لترميمه .. وظهروا فيما بعد [السلاجقة] وماحكموا كتير بالقدس.
    [دخوول الصليبين ]:عام 1099 حرض البابا اوربان الثاني الله لا يعطيه عافية المسيحيين من أجل تحرير قبر المسيح من الكفار الذين يؤذونه هه اللي هم احنا المسلمين ، فإجا جيش فرنجي همجي من اللصوص وقطاع الطرق و الطامعين في السلطة و الارااضي، حاصروا القدس وكان الجيش الفاطمي يدافع بكل قوة ، وكان كل الناس يحتموا بالسور ، وصل الصليبيين السور و من الجهه الشمالية انهار ،ودخلوا القدس وارتكبوا مجزرة من افظع المجازر بالتاريخ لدرجة يقال ان الخيول سبحت بالدم ،حولوا القدس الى مدينة اوروبيه بامتياز ،احضروا المسيحيين الاوروبيين لان المدينة فاضية من السكان وكل دولة اوروبية بنت لرعاياها كنيسة بالقدس ، المسجد الاقصى قسموه لكنيسة ومكان للادارة و قصر ،رفعوا الصلبان ع قبة الصخرة و احضروا المسيحيين العرب للعيش بالقدس.
    [الفترة الايوبية] : ظهر صلاح الدين الايوبي و خلّص مصر من خلافة الفاطميين .. ووحدها مع بلاد الشام , وعام 1187 م استطاع صلاح الدين الانتصار ع الفرنجه في معركة حطين .. ووصل ع القدس و عمل حصار كبير وماقدروا الصليبيين يتحملوا فدخلهاا بسهوله ، وخرج كل الاوروبيين و بقي المسيحيين العرب ، هدم كل اضافات الصليبيين ، اعاد المسجد الاقصى و قبة الصخرة الى سابق عهدها ، أنزل الصلبان و الصور،وقام باحضار المنبر من حلب الذي صنعه عماد الدين زنكي لوضعه بالمسجد الاقصى بعد التحرير،صلاح الدين سمح للكل يرجع عالقدس ,, شجع الاكراد ، والاتراك و المغاربة وعملوا حارة كاملة لهم بالقدس اسمهاا حارة المغاربة ،توفي صلاح الدين وصار صراعات بين اخوته و اولاده ع السلطه و الاراضي حتى ضعفت الدولة الايوبية .
    ظهر [المماليك ]: كانوا عبيدا عند الايوبيين ، واصبحوا هم دعائم المجتمع وبسبب ضعف الايوبيين ظهرت قوتهم واصبح الحكم لهم ،و اجا المغول لكن المماليك طردوهم بمعركة عين جالوت ،كان لهم اثار واضحه جدا ع القدس بنوا سوق القطانين فيه 50 دكان تشبه بعضهاا ومتقابلة ، المدرسة التنكزية التي بناها تنكز الناصري ، ولأول مرة يتم انشاء بيت للفئات المهمشة بالمجتمع اليتامى المعنفات كبار السن بالقدس ، و تم القضاء على الوجود الصليبي نهائيا بهذه الفترة على يد السلطان الاشرف خليل بن قلاوون .ارتحنا منهم :هاه:
    [الفترة العثمانية ]:دخلت غرب آسيا بمافيها بلاد الشام بفلسطينها و قدسها تحت ايدي العثمانيين بعد انتصار السلطان سليم الاول في معركة مرج دابق على المماليك سنة1516م واستمرت أربع قرون عنا،مات السلطان سليم الاول و خلفه سليمان القانوني،ازادت الابنية في عهده خاصة التكايا و الزوايا واماكن العباده الاخرى في القدس ،رجع بنى سور القدس وحصنه بالابراج وزوده بالابواب السبعه المعروفة(باب العامود أشهرها أو باب دمشق،الساهرة ،باب الاسباط أو باب الاسود ،باب الخليل ،باب المغاربة ،باب الحديد ،باب النبي داوود)تَجَلَّتْ وتَجَسَّدَتْ عمارةُ (سُبلان الحرم القدسي) كتكوينات وظيفية لتأمين الماء، وكتكوينات جمالية وبيئية تمنحُ المكانَ سحرَ الماء وعذوبتَهُ مما أضفى على الحرم جاذبيةً انضافتْ إلى سحر قدسيته،الدولة العثمانية تعاملت مع كل الرعايا باعتدال ،راعت وجود مسيحيين و مسلمين بالمدينة ،فتحت المجال لليهود الهاربين من الاضطهاد المسيحي عليهم في اسبانيا ،لكنهم ماحبوا يعيشوا بالقدس وبلغ عددهم فقط 115 شخص،كان فيه تعايش و سلم بين جميع الاديان لأن المسلمين كان يوقروا جميع الرسل بسبب تقاليد الحج للمقامات الدينية وماكان فيه مشاريع للصهيونية بعد ،تَشَكَّلَ في ملامحِ القدس طابعٌ عثماني جَلِي.. لم يتشكلْ في البنية المعمارية فقط، بل كان في التراث الثقافي العريض ومنه التراث المخطوط، وامتد كذلك إلى التركيبة المجتمعية والإدارية.. مما أكد أداءً عثمانياً استغرقَ قروناً طِوالاً أضافَ إلى كتابِ التاريخ المقدسي تاريخاً نوعياً و مميزا.
    [البريطان]:دخل الجنرال اللنبي القدس عام 1917م بسبب انهيار القوات العثمانية بالحرب العالمية الاولى ،بريطانيا فتحت المجال لليهود بالهجرة و الاقامة في فلسطين و القدس وعاملت المسلمين بكل قسوة،وأصدر وعد بلفور وهو ينص على اقامة وطن قومي لليهود في فلسطين ،انتقلت الى القدس مؤسسات صهيونية مختلفة واصبحت مقرا للمنظمة الصهيونية العالمية وانشأ فيها الجامعة العبرية التي افتتحها بلفور عام1925 قسموا القدس في الفترة البريطانية الى البلدة القديمة ومناطق محيطه فيها و القدس الشرقية(للعرب) والقدس الغربية(لليهود)ووضعوا قيود وقوانين كثير ع العرب و البناء في القدس الشرقية بينما الغرب ازالوا جميع القيود و عوضا عن المعاملة السيئة للمسلمين و المسيحيين و المعاملة الحسنة لليهود:ميه .حسب مصالحهم و مصالح اليهود أقاموا(حكومة فلسطين) بالاسم طبعا لكن كانت من أجل تحقيق مصالحهم ، ووضع أول مندوب سامي على فلسطين هربرت صموئيل .وقاموا باختيار مهندس لتخطيط شكل المباني و التخطيط الهيكلي للقدس .
    [الاحتلال الاسرائيلي]من 1948 الى اليوم .. :confused::زاد عدد اليهود في فلسين زمن البريطان ما مكنهم يصادروا اراضي كثيرة .. تم اقامة دولة اسرائيل بتاريخ 15/5/1948 ويومها حلت النكبة ،الشعب الفلسطيني قتل و هجر ،العصابات الصهونية أخذت المناطق الساحليه و الوسطة و الجنوبية من فلسطين ،ماتبقى الا الضفة الغربية التي سلمت للأردن لادارتها،وقطاع غزة سلموه لمصر ،بعد حرب 1967 وانهزام العرب قدرت "اسرائيل" تحتل الضفة و غزة من جديد،وركزت ع القدس، أخذوها بهاد الوقت، وركزوا ع مصادرة الاراضي وطبعا جميع العرب اللي صمدوا بالاراضي الاسرائيليه مازالوا يعانون من العنصرية،لكن أهل القدس صمدوا،ومازالوا يرابطوا فيها عشان يحموها،بسنة 2000 م دخل شارون بحذائه للمسجد الاقصى واندلعت انتفاضة الاقصى في المسجد الاقصى ، وخلص اغلب الاحداث انتوا هلأ بتعاصروها و بتعرفوها الآن القدس معهم و أي فلسطيني من الضفة و غزة لازم يروح ع التفتيش و يعمل تصريح محدود الساعات حتى يدخل ع القدس،واعطوا سكان القدس هوية زرقاء حتى يكونوا مواطنين اسرائيليين لزيادة عدد السكان الاسرائيليين و عشان ياخدوا تأييد دولي أكبر لكن المقدسيين حافظوا على هويتهم الفلسطينيية وهذي الهوية الزرقاء فقط بالاسم لانهم محرومين من كل شي وبيعانوا من العنصرية،القدس الشرقية ممنوع بناء ابنية جديدة فيها حتى يمل سكانها و يروحوا،لكن ما ملوا و صمدوا 3>

    [​IMG]

    نبلش بالصور :

    طبعا هاد احد الابواب السبعه للمسجد الاقصى "
    باب العامود"اللي قرأتوا عنه سابقاً.. وبتدخله بتلاقي كمان مدينة كلها اثرية ،الاحتلال يضايق عليهم وما بيسمح لهم يبنوا من جديد .. لكنهم صامدين بإيمانهم و عزيمتهم ..

    [​IMG]
    أنا شخصيا أفضله و بحس بالعظمة لمآ آدخل منه هههه
    :أنا خطير:
     
    • إبداع إبداع x 12
    • أعجبني أعجبني x 1
    • نجمة إبداع نجمة إبداع x 1
  2. وكل هاد داخل السور .. سوق كآمل فيه كل شيء وبنايات و بيوت وكله ..
    [​IMG]
    طبعا كلها قديييمةةة جدااا ,, هاد بالطريق و انت ماشي للحرم القدسي
    [​IMG]

    شف شف :expressionless:

    [​IMG]
    هذا مدخل كنيسة جوات السور كمان .. لا تستغربوا القدس مدينة تسامح ديني 3> هههه الحجه :D:

    [​IMG]

    شوية اشياءات و تحف حبيتها ههه 3>

    [​IMG]

    أول ماا تدخل ع
    الحرم بعد التفتيش واخذ البطاقات و احتجازها لضمان انك حتطلع بعد فترة وجيزه -___-

    [​IMG]
    [​IMG]
    ع اليمين عند هادي الاقواس يوجد قبر البطل الشهيد عبد القادر الحسيني اللي استشهد بمعركة القسطل ضد البريطان .. وقبر ملك الاردن عبد الله الاول ..

    [​IMG]
    وانت تمشي رح يبلش يظهر هذا الشي *__*

    [​IMG]
    هدول الدرجات و الاقواس فيه نفسهم من جميع الجهات ..

    [​IMG]
    :hearteyes::hearteyecat::أُحبه:

    هذي قبة الصخرة بنيت زمن عبد الملك بن مروان ،جرى في عهد السلطان سليمان القانوني(ا
    لفترة العثمانية) استبدال زخرفتها الفسيفسائية التي شكلت الكسوة الخارجية للجدران العلوية ورقبتها منذ عهد بني أمية، لكن الخراب والتلف قد بدأ يعمل بها.. فاستُبْدِلَتْ هذه الكسوةُ الزخرفية بالقيشاني الذي مازال قائماً إلى اليوم.

    [​IMG]


    هذا المبنى حير العلماء .. المبنى التاريخي الوحيد الذي وصل لليوم كآمل شآمل مآفيه أي خراب .. بصراحه زخآرفه ما بتمل منها لو تقعد بالساعات تتفرج عليهاا .. اما الكلمات و الحروف اللي انتوا شايفينها ما الها معنى هي فقط مجرد حروف و فقط ..

    هلأ كلشيي رح أعرضه داخل الحرم ..

    [​IMG]

    [​IMG]
    [​IMG]

    [​IMG]
    شايفين القبة الرصاصية اللي بين الشجرتين من جهة الشمال ؟ هذا ما يسمى بالمسجد الاقصى حالياً
    اللي لازم أحكيه هو أنه المسجد الاقصى يشمـل جميع الحرم بكل مساجده .. وين ما تصلي إالك نفس الاجر ان شاء الله "الركعه الواحده بـ500 ركعه" ..
    من الشرق من هون موجود حائط البراق "الحائط اللي ربط عليه الرسول عليه الصلاة و السلام الدابه في رحلة الاسراء و المعراج".. بس ماقدرت اصوره لأنه بعيد .. وممنوع نقرب عليه لأنه الآن ملك لليهود يصلوا عليه،مش عارفة شو علاقتهم فيه بس ما علينا ههه ..

    [​IMG]
     
    • إبداع إبداع x 9
    • أعجبني أعجبني x 2
    • الفائز الفائز x 1
  3. [​IMG]
    داخل قبة الصخرة :
    طبعا دخلت و كل ما ادخلهاا بنبهر زي كأني أول مرة بشوفهاا ..
    شوف هاد داخل المبنى لكن آسفة الصور شوي معتمه لأن المسجد بطبيعه الحال معتم شوي ..

    [​IMG]

    [​IMG]

    [​IMG]


    [​IMG]

    [​IMG]

    هذا المكان اللي عرج منه الرسول عليه الصلاة و السلام .. مكان تحس بالراحه فيه غصب عنك و الله 3>
    وفيه بجانبه شيء تحط فيه يدك تطلع رائحه عطرية .. يقال انه مكان قدم الرسول عندما عرج به الى السماء .. لا تقولولي انه حدا يحط فيها عطر مافي حدا معروفه من هداك الوقت .. مكان قدمه الشريفة 3> بس ما صورته ..


    [​IMG]

    هذي زاوية اخرى من نفس المكان .. الصليبين لما احتلوا المكان كانوا يقتصوا من هذي الصخرة ويهدوا الملوك و الحكام منها .. حتى حسوا انها رح تخلص ومنعوا الاقتصاص منها -_-

    ***
    فيه كمان اشياء ماحالفني فيها الوقت اني أروح عليها رحمة بكم عشان الموضوع مايطول اكثر من هيك هههه

    اللي هو المسجد القبلي أو أغلب الناس بتسميه المسجد الاقصى واللي دايما يتعرض للحريق وأكبر حريق صار فيه عام 1969 على يد يهودي متطرف وحرق المنبر اللي أحضره صلاح الدين وبقاياه موجوده حاليا بالمتحف اللي مارحت عليه بهداك اليوم بسبب ضيق الوقت .. الصورة من النت ..
    [​IMG]

    وهاد المسجد المرواني اللي تم تحويله من اسطبل الى مسجد..مدخله تحت الارض هادا ما تلاحظه حتى هه الصورة من النت كمان

    [​IMG]

    ***

    [​IMG]

    استغربت من الصورة .. شوف كيف السور داخل بالحجارة الجبلية !! جبآرين @@

    آلمهم آلآن .. أناا تذكرت أعضاء المنتدى أكيد .. و تذكرت أنه فلسطين لا تتجزأ من الوطن العربي .. لهيك أناا حضرت اشي ان شاء الله يعجبكم ..
    [​IMG]

    :أُحبه::أُحبه::أُحبه::أُحبه:

    فــي النهاااية القدس مدينة عظيمة جدآ مهمآ حكيت ومهمآ شرحت مآ رح أوفيها حقهاا .. ومابدي اشوف انصدامات بالردود من الحقب التاريخيه لأني عشرين مرة حاولت أختصر ولا جدوى :disrelieved: هههه ومنيح انكم تعرفوا عن القدس كمان بماا انهااا بتتعرض للتهويد .. عشان تعلموا ولادكم انه القدس النا !!! ومارح تكون لحداا غيرنااا !! ...

    و كمــــــاان أكيد ما بدي أنسى أوجه كلمة شكــر كبيرة كبيره
    لـ @HICCUP اللي تطوع و سآعدني بلتخيص الحقب التاريخيه لولاه ولا كنت تراجعت عن طرح الموضوع هههه أشكروه كماان .. يسلمو إيديك .. والله يخليكم كلكم :p:D:


    بتمنى الموضوع عجبكم و اخذتوا فكرة كويسه عن القدس ..

    وســـلآم عليكم .:p



     
    • إبداع إبداع x 11
    • أعجبني أعجبني x 2
    • الفائز الفائز x 1
  4. السلام عليكم ..

    اول شي هيك المواضيع ولا بلاش.. عجبني المواضيع من جميع النواحي وانك غطيتي كل شي رومانين ويونانين وعبااسين وفااطميين
    وعجبني تاريخها العريق وقريته من الجلدة لجلدة
    عنجد شكرا الك منارة .. عيشتينا معك هناك ..!

    والصور كلها جميلة وغطيتي نواحي كثيرة منها ..!!
    بس فيه صور ماطلعت :"(

    احلى شي مفاجعة الموضوع الاخيرة تبع الوحدة العربية 3>

    عجبني المكان الي بتحسي فيه بالرااحة 3>
    شميتي ريحته !؟ ههههه

    حلوو عنوان الموضوع دوبتي .. واكيد هي ارض الحضارة ..

    حلو الموضوع ..وان شاء بنزورها القدس3>
    ولما تروحي مرة تانية خذيني معااكي بسس هههههه

    سلااامززااات ٥:
     
    • أعجبني أعجبني x 1
    #4 batto, ‏6 فبراير 2015
    آخر تعديل: ‏6 فبراير 2015
  5. السلام عليكم ..~
    كيفك منارة ؟

    وأخيرا موضوع جديد منك هه .. بصراحة من احلى المواضيع الي شفتها بالمنتدى !! بدون مجاملة والله
    وخاصة المراحل الي مرت فيها !! عجبتني مره وفي أشياء اول مره ادري عنها .. يعطيك العافية جوناس ^^
    والصور كمان جميلة .. جد لما اقرأ هذا الموضوع احس أني دخلت التاريخ !! .. فيه جو غريب وحلو
    لو نتكلم عن فلسطين من اليوم الين السنة القادمة ما رح نخلص !! .. الله يحميها ياارب
    احس داخل الحرم هدوووء 3> .. والطريق لما اروحله والله نفس الي حلمت فيه .. حلمت أني رحتله ويشبه هذا الطريق
    هه سبحان الله

    يعطيكم العافية ع جهودكم .. جد موضوع جبار
    تقبلي مروري
    والسلام عليكم ..~
     
    • أعجبني أعجبني x 1
    #5 Why So Serious, ‏6 فبراير 2015
    آخر تعديل: ‏6 فبراير 2015
  6. وعليكم السلام ورحمة الله ^^
    ي عيني عليج ي منوره ^^
    عليج مواضيع انما ايييييييييييييييه ^^

    حلووو انج ذكرتينا بالقدس لانا متخبلين ع الأماكن الثانيه ><
    الصور حلوووه وبسيييطه بس اكيد لها معاني كبيره ^^
    كثر ما اختصرتي بس بعده كثير ههههههههه <<<< ماتحب تقرا كثير هع هع

    اللي نرفزني علم إسرائيل ><

    تسلمين حوبي ع الموضوع
    ننتظر يديدج يالغلا ^^

    اللهم انصر إخواننا في فلسطين .. ><
     
    • أعجبني أعجبني x 1
  7. السلام عليكم ورحمة الله وبركاته
    كيفك منارة ؟
    يعطيكم العافية انت و العضو HICCUP مجهوووود رائع ومرتب ما شاء الله
    الحقب اللي ذكرتيها مرت عليا في مادة التاريخ مرحلة المتوسط بس نسيناها ههه
    قرأت موضوعك مرتين لأهميته وكمان لانه ملخص ومبسط وجمع قصص وتواريخ مهمه كثيره ^^
    وما اجمل قبة الصخره منظرها ساحر زي ما قلتي مافي ملل لو بنظر فيه لساعات =))
    قضية فلسطين هي قضية امتنا الأولى اللي لازم الكل يعترف فيها و يعرف عنها
    ووحدة عربية ان شاء الله بتحرر فلسطين والقدس من ايدي المحتلين اليهووود
    بارك الله فيك موضوع جميل و الصور اروع استمتعت كثير .. تحياتي
     
    • أعجبني أعجبني x 1
  8. السلام عليكم ورحمة الله وبركاته
    اهلين بمشرفتنا ومبدعة المنتدى مناره
    ماشاء الله تبارك الرحمن الصراحه موضوع
    وجهد جبار جدا منك ومن الغالي جوناس
    بجد ماقصرتو

    نجي للموضوع حابب اشكركم
    لانكم اعدتوا ذكرياتي لانه سبق ودرسناه
    وتعمقنا فيها في المرحله المتوسطه
    القدس!!! الكلام عنها اذا بدا مابيوقف
    هي لنا نحن الامه الاسلاميه اكيد وباذن الله
    بنسترجعها مثل مافعلوها من قبلنا
    امنيتنا اكيد ان الله يرزقنا فيها بركعتين
    قبل الممات

    بوركتم على هذا الجهد الجبار وماقصرتو
    فمان الله
     
    • أعجبني أعجبني x 1
  9. و عليكم السلام و رحمة الله ,,

    يا سلااااام أخيرا منارة نزلت موضوع !! أقري الاذكار من الحسد :هع2:
    و الله ما كنت اعرف كل هذا عن القدس :بكاء7: و لا حتى شفت الصور من داخل :بكاء5:
    حسيت اني صدق هناك :لا1: ما شاء الله المكان رااااائع و شكل القبة :بكاء4: يا سلام :وردة3:
    أحسنتي و يعطيج العافية ع التقرير الاكثر من رائع !! و يستاهل يكون موضوع اكثر من متميز !!:ق9:

    نتريا يديدج دااايما :لطيف3::ق8: و شككرا على ذوقج الرفيع :قهوة2: :قهوه2:

    في أمان الله :وردة1:
     
    • أعجبني أعجبني x 1
    #9 i.Miku, ‏6 فبراير 2015
    آخر تعديل: ‏6 فبراير 2015
  10. وعليكم السلام ورحمة الله وبركاته
    موضوع جميل والصور أيضا جميلة
    مشكورة على الموضوع
    سلام
     
    • أعجبني أعجبني x 1
  11. السلام عليكم و رحمة الله وبركاته

    الموضوع جميل و شامل لكل شي
    انا هاذي المعلومات قريتها من قبل يعني بعرف اشوي عن تاريخ القدس القديم
    حبيت الصور و خصوصا تصويرك لقبة الصخرة من كل النواحي و من الداخل ايضا

    الله يرزقنا بزيارة لهذا المكان المقدس وانا شخصيا حابة ازوره

    اشكرك عالموضوع
    بانتظار تقارير عن مدن اخرى
    سلامي لك
     
    • أعجبني أعجبني x 1
  12. و عليكم السلام و رحمة الله و بركاته

    ياسلام ! :D ماشاء لله .. الموضوع من الناحية الشكلية رائع كالعادة

    منظم .. منسق ! فيه تسلسل خاصة في جزء الصور .. رصدتي أشياء كثيرة و جميلة فعلا

    منظر قبة الصخرة تحفه .. المسجد من الداخل أيضا .. بلاط الطرق رائع أيضا بشكله الأثري

    أما الصورة الأخيرة فيها شعور قوي جدا ! كلنا فخر بهذا الانتماء للعروبة الواحدة

    الجزء التاريخي الأول فيه معلومات مفيدة .. أنا أحب الانطلاقة من التاريخ في شرح الأشياء و الظواهر و أي حاجه ثانية

    لا شكر على واجب .. فأنا استمتعت بالاطلاع ع الموضوع و تلخيصه

    شيء أيضا عجبني كثير و هو شرح كل صورة و حتى بالأرقام و التاريخ .. شيء جميل و خدم الموضوع كثير

    صدق سيرياس .. هذا من أفضل المواضيع بالمنتدى

    يعطيك العافية .. ألف شكر

    واصلي مواضيعك المميزة .. بالتوفيق
     
    • أعجبني أعجبني x 1
  13. :ق9:
    السسلاّم
    عليكم و رحمة الله
    كيفك دووبتي ؟ ! ان شأء الله تماام
    ,
    ~


    أخيرااّ
    نزلتي الموضوع :لطيف: بجد حركَ ليااّ أحاسيسي و مشاّعيري :بكاء4:
    بجد أول مرة اعرف أن للقدس أسمـاّء ثانية ,
    و كثير
    معلومات اول مرة اعرفها عن فلسسطين الجبيبة:ق6::ق5:
    حسيت أن
    معلومـاتي منعدمـة لمـا قرييت موضوعك ههه , ’
    اغلب ا
    لأشيـاء الي اعرفهـا كنا بندرسهـاّ زمان بالتـاريخ , مع اأني مـا اذكرها منبييح
    بس
    ششرحك أسترجع ليـا اغلب المعلومـاّت و حسيت أني نـايمة ع وداني خخخ
    في الفترة
    العتمـانية كـان لزم تكتبي " عثمـان بن أرطغرل بن سليمان الشاه " :دموع1:
    نسيت أسسمة تمااما كان أسمه الوحيد الي أذكره زمان خخخ , دوب مـا ادري ليش خخخ
    و أكيد مـا انسئ
    " السلطان الاشرف خليل بن قلاوون " خجول4 :ق7:
    و الصصور بجد رووعة أول مرة احس اني دأخل القدس من الشـاشة هههه ,
    ليش لزم
    تـاخدي بطـاقة ؟! , :--_--:
    قعدت اركب وأنزل بالمـاوس وأنا أتأمل بالصور بجد مكـان مـاشاء الله
    أن ششـاء الله تحرر فلسطين العزيزة و تلاقيني هنـاك اصلي في الحرم :ق9:
    و بعدها نسسوي حفلة في بيتك:لعب: و نجننك:أفرو2: و تقولي ايش جابكم هنا بس :رقص2:
    خخخ أن شـــاء الله ي رب :ق6:

    يعطيييك
    ألف عـافيه و صحة ع الموضوع الجنـان هذا :وردة3: بأنتضاار جدييدك
    و أنتضار جدييد مدوونتك كماان , أتابعها دايما دونتك بجد داتها أبداع :ق8:
    احلى تقيم لأحلى منارة :دموع1: خمس نجوووم هههههههههههه :sob:
    و ما في سماعات :دختن2:



    ~


    تقبلي مروري البسيط
    في أمان الله


    :ق9:
     
    • أعجبني أعجبني x 1
  14. الســــــلاام عــــلييكم بنت بــــلااادي :ورد2:

    مــــوضـــــووووووعكـ جــــبـاااار *--*
    تـــــــارييخ فـــــخــم:hearteyes: شــي عـــــظييم :اها:
    انـــدمجت كــــتييير بالــموضووع .. حســــيت انــــي مــــاشية معــــاكي بالطــرييق :ق6:
    الصـــووور بتــجنن :hearteyes::hearteyes: و منـــــووورة كـــــلها
    قـلـبــــــي نـــــبــض بإسم بــــــــلادي :ق6:
    لـــــمــا شفــــــت الـصــــــــور . . . . ♥
    ياا رييت أزوور القدس الجميلة :وردة6::sob:
    تصويرك تحفة :قبلة4: عجبووني التحف "بوكيمون" +الحجة :ض2: <<بررااا :دموع1::دموع1:
    و الفكرة الاخيرة راائعة "وحدة عربية" .. تم وضع
    الصورة خليفة لــ اللاب :hearteyes:
    مشكــوورة ع جهودك الخاارقة ،، و هيكب كمــاان شــووكراً :استرخاء::خ1:

    انتــظر مـــزييدك ..
    ســــلاامي ~ :قبلة4::قبلة4:
     
    • أعجبني أعجبني x 1
  15. السلام عليكم

    كيفك ؟؟

    وك لازم بالاخير تقولي يلا كل واحد يطول ورقة و قلم .. بدي اعمل امتحان قصير و اعرف ازا قرأتوه كامل ههههههههههههه
    +
    في كلمات متل "ايليا كابيتولينا" كان لازم كتبتي جمبها " طنشتوها و ما قرأتوها طبعا " ههههههههههههههههههه

    لا بمزح طبعا هههه ما شاء الله عنك ، صحيح انتي من السنة للسنة لتنزلي موضوع << شوفي حالك بالاول هههههههه لكن لمة بتنزلي موضوع بكون مميز عن حق ، جد ابدعتي ♥

    موضوع رائع عن حبيبتنا القدس .. نيالك زرتيها ههه الله يطعمني زيارتها يارب

    فلسطين بشكل عام و القدس بشكل خاص عمرها ما كانت ملك الاوغاد و لا راح تكون ^_^ و الاهم الوحدة العربية كلنا ايد وحدة و كلنا اخوان و باذن الله حيفيق العرب من هالسبات لنرجع قدسنا متل ما كانت

    مشكورة ع الجهد المميز بتستاهلي نجمة الابداع ع قد متعبتي عليه

    و مشكور جوناس ع مجهوده طبعا يعطيه الف عافية ^.^

    بانتظار جديدك بكل شغف ..

    دمتي متألقة منارتي ♥

    سلآمي .. انيآ :)
     
    • أعجبني أعجبني x 1
  16. السلام عليكم
    كيف حالك منارتنا؟ ان شاء الله تمام

    ما شاء الله الموضوع بكبره جميل جداً
    و أصلاً اي موضوع عن فلسطين دائما تعجبني :ق9:
    يكفي العنوان اللي يلفت الانتباه، فعلاً عن اي باريس يتحدثون و قدسنا تسحر مو بس العيون، تسحر القلوب أيضاً :ق9:

    الصور يفتح النفس مره
    الله يرزقنا زيارتهاا يا رب :وردة4:

    في اماان الله
     
    • أعجبني أعجبني x 1
  17. إبداع كبير يليق بمنارة المـُبدعة .. :وردة5:
    ماذا نزيد حديثاً عن القدس الشريف , تاريخ عظيم !
    موضوع شيق جداً و هو تاريخ يخص كل مسلم ..

    هل لي أن اعرف جميع مصادر المعلومات في موضوعكِ غاليتي ..
    لأن تاريخ القدس يُدنس في كتابات الصهاينة و المستشرفين ذوي الغايات الباطلة قاتلهم الله !

    ~
    لي عودة
     
    • أعجبني أعجبني x 1
  18. الـسلام عليكم و رحمه الله و بركاته
    بسم الله الرحـمن الـرحيـم

    "لي عودة "

    عُدنا .. :قهوة3: :قهوه3:

    جميلٌ ما سطرته بسردكِ المُتقن لقد أخذ بي إلى رحلة حقيقية عبر الزمان
    وجهتها مدينةٌ واحدة ! ألا و هي القدس


    بطرحكِ الخلاب , الأنيق .. تُفتح آفاق من يعشق الثراء من المعرفة
    اختيار موفق .. بل بصمة متألقة تُزين قائمة المواضيع هُنـا

    عزيزتي المقدسية :وردة4:

    لستُ بصدد وصف هذه المدينة المُقدسة فالوصف فيها يطول
    التسلسل لعبق تاريخ القدس المُختصر برؤوس الوقائع المُهمة كان رائعاً منكِ

    لقد فتحتي اسم قضية غالية على القلوب

    أما عن تلك الصور المليئة بالحياة فقد حركت كل الشعور

    إني ادعو الله بأن يرزقني زيارة و نورٌ من تلك الأرض الشريفة المُباركة

    موضوعكِ افادني كثيراً , لكِ جزيل الثناء و الشكر
    و اعذري ردي المتواضع لما قدمتيه :وردة1:


     
    • أعجبني أعجبني x 1
  19. :هاه:أهـــلاا أهـــلاا بالمناارة :أُحبه::أُحبه:

    أنااا آسـفة بجد كاان بدي أكوون أول رد ع هــااد الموضووع بالتحديد.. بس معلش خيرهاا بغيرهاا ههههه:X3::X3:

    القــدس شيء "كبيــــر" وتــااريخــهاا شيء "أكبـــر" ...عــجني أنــك جبتي الأحدااث بتسلسل يعني مريتي بالبدااية ع أهم الأحدااث اللي شهدهاا قبل ماا تتطرقي للإحتــلاال الإسراائيلي لأنه الحدث الأبرز و الأخطر الذي تشهده القدس لحد السااعة للأسف ..:confused::confused:

    ومهماا قرأنــاا ع القــدس أو شفنــاا صور أو هيك بس ماا رح نــقدر نــعرفههاا أو نوصفــهاا زي وااحد من أبناائــهاا أو وااحد ممن عااش فيهاا أو شاافهاا يعني
    بيظل كلاامك عنهاا ياا مناارة مهم كتييير وداائــماا الحقيقة بحب آخذهاا منك لماا يتعلق الأمر بفلسطين ..:أُحبه::أُحبه:

    الــصور جميلة كتيــر كتــير ..أحسنتي بالتقااطهااا حسيتهاا كتييير قوية ومعبرة وقريبة ..والمصاادفة أنو البعض منهاا ذكرني بأمااكن بمدينتي خااصة صوورة الأقوااس من جد حسيت أني مشيت فيهاا ههههههههههههههه ...

    أحسنتي جدااا جدااا ..والله وأبدعتي ماا تركتي شي إلاا وحطيتيه سلمت يدااك مناارتي :أعجبني::أعجبني:

    تــقبلي مــرووري البسييط جدااا ودمتي بود ..بانتــظاار المــزيد من ابداعااتك صديقتي .. سلاامي لك :X3::X3:
     
    • أعجبني أعجبني x 1
  20. السلام عليكم ..كيفك منارة

    موضوعك رااائع وفيه معلومات كثيرة
    عجبتني الصور كلهاا..
    وعجبني العنوان هه..
    عن جد فلسطين بلد كثيير حلو 3>..
    شكرا عالموضوع
    وسلااام :)
     
    • أعجبني أعجبني x 1