السلا عليكم ... كما هو معروف ان بزراننا هم انواع لذلك نبي نشوف وش انواعهم حفظهم الله ورعاهم وفكنا الله منهم نستعرض معكم أنواع البزران .. البزر المفهي :- هو بزر مايدري وين الله حاطه أي شي تقوله له بيقول هاه مستقبله :-هذا مستقبله غير واضح المعالم لكن مااراح تتعدى شيين يستمر مفهي وهذا الأغلب أو يتعرض لصدمه تخليه يطلع من فهاوته شوي البزر الجنتل مان أو الجنتل بيبي :- بزر غالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بنات الحاره .. مستقبله :-يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير.. بزر زلابه :- غالباً مايكون تربية عجز .. مدلع حتى اخر قطره .. لكنه للأسف زلابه سريع البكاء لو تقول له كيف الحال قعد يبكي .. مستقبله :-يستمر زلابه الين يتزوج ويصير خاتم في اصبع حرمته البزر المهايطي :- هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه مستقبله :-يستمر مهايطياً للأبد وقد يفقد حياته بسبب الهياط البزر العصبي :- هذا البزر نارٍ شابه على قولتهم معصب 24 ساعه يستحسن أن يكتب بالقرب منه خطر مستقبله :- امراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد .. البزر اللي رادن بالدنيا :- هالبزر مايشوف العالم مطنش ابو الدنيا شايل من قاموسه كلمة حياء مستقبله :-عارض أزياء < قولي قسم خخخخخ البزر الملقوف :-هالبزر عكوز بكوز في كل مكان مركوز ... لا تستبعد ان تجده في أي مكان مستقبله :- بيجيب العيد وماظنتي بيصير له مستقبل .. البزر الدافور :- هذا البزر دائما متفوق في دراسته دائما يحب يتعلم ويتثقف هالعينه نادره في السعوديه طبعاً مستقبله :- دكتور .. مهندس .. او أي شي زين أما إذا كان دعندنا بالسعوديه فآخرته مصكوك بعين .. والله اعلم البزر المتميلح :- هذا النوع خطير جداً ودايم يجيب المصايب وهو من النوع اللي مايهرول عبث مستقبله :-احتمال يجيب العيد أيضاً البزر اللي حظه مقرود :- هذا النوع من البزران اقل مايقال عنه انه مسكين حظه شين دايم مستقبله :سيئ للغايه بزر مدمن تلفزيون أو في روايه بزر دلخ :- 24 ساعه عند التلفزيون يتأثر على طول أي شي يشوفه يروح يسويه مستقبله :-يظل دلخ الىً للأبد.. بزر رومانسي :- راعي جو .. حساس .. مستقبله :- شاعر بزر رايق :- 24 ساعه رايق من زود الروقان عنده تشوف عليه احيانا حركات غريبه مستقبله :- مستقبل زاهر إن شاء الله البزر اللي مدري وش يبي :- ماينعرف له مره تقول إنه ذيب مره تقول إنه زلابه مستقبله :-ياأنه يطلع ذيب أو يطلع زلابه وهذا المتوقع بزر اختلف العلماء في تسميته :_ مستقبله :-طقاقه أو فنان كسرات خخخخخخخخخخخخخخخخخخخخخخخخخخخ يلا كل واحد يكتب هو اي نوع
البزر المفهي :- هو بزر مايدري وين الله حاطه أي شي تقوله له بيقول هاه مستقبله :-هذا مستقبله غير واضح المعالم لكن مااراح تتعدى شيين يستمر مفهي وهذا الأغلب أو يتعرض لصدمه تخليه يطلع من فهاوته شوي هذا النوع يقهر مرررة مشكوووورة على الموضوع ولا تحرمينا من مواضيعك الرائعة
بزر اختلف العلماء في تسميته :_ مستقبله :-طقاقه أو فنان كسرات والله حلووووووووه يسلمو احتي على الموضوع الرائع
ههههههههههههههههههههههههههههههههههه ههههههههههههههههههههههههههههههههههه والله والموضووووووع روعة مثل صاحبته تسلميـــــــــن !
ههههههههههههههههههههههههههههه مشكورين على الردود الروعة أتمنى دائما تنورون مواضيعي بردودكم شكرااااااااااااااااااااا
خخخخخخخخخخخخخخخخخخخخخخ البزر المهايطي :- هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه مستقبله :-يستمر مهايطياً للأبد وقد يفقد حياته بسبب الهياط هذا صاحبي في المدرسة هع 24 ساعة وانا جالس اضربه ملطشة عندي خخخخخخخ بس تصدقون انه افضل أصحابي هع شكرا على الموضوع الرووووووووووعة أخوكي : Portgas d.ace
ياسلام هذيلا البزارين ولا بلاش واموت انا على الرايق >>انا من النوع الرايق ههههههههه يسلمو خيتو على الموضوع
هههههههههههههههههههههههههههههه والله الموضوع ابداع واحسن شي البزر الدافور :- هذا البزر دائما متفوق في دراسته دائما يحب يتعلم ويتثقف هالعينه نادره في السعوديه طبعاً مستقبله :- دكتور .. مهندس .. او أي شي زين أما إذا كان دعندنا بالسعوديه فآخرته مصكوك بعين .. والله اعلم يعطو عين على طو ل الله يحفضنا على العموم يسلمو ياملكة الابداع على الموضوع
