صحراء الأنمي AnimeDesert صحراء الأنمي AnimeDesert صحراء الأنمي AnimeDesert صحراء الأنمي AnimeDesert

شروط مشرف لاحد المنتديات

الموضوع في 'مرح x مرح' بواسطة DANTE, بتاريخ ‏4 أغسطس 2007.

[ مشاركة هذه الصفحة ]

  1. هذى الشروط من المشرف العام لأحد المواقع المشهورة فنيا" بعد ان جاءته حالة من الطفش من كثر مشاكل الأعضاء والموقع ,,
    ~~~~~~~~~~~~~~~~~~~~~~~~~~
    لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة

    اعرفوا الشروط زين....وافهموها....واللي ما يبي هالشروط جعل اصبيعاته اللي طقت على الكيبورد

    للكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله

    بيننا....فهمتوا ياالجحلط

    بما ان هذا الموقع موقعي بلحالي لابارك الله فيكم وفي الساعة اللي فتحت لكم هالموقع....فاللي

    يبي يسجل معنا يوافق على الشروط من ورى خشمه ....والشروط هي... :


    1- اللي يسب اي واحد من الاعضاء نبي نجيه وبنربط حواجبه في صدامات الهايلكس وبنروح ونطعس فيه باقرب طعس...همني قايلكم حنا ما نلعب

    2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجرء وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجرء.....همني قايلكم حنا ما نلعب

    3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابجدعه على خوص نخله...علشان ما يتعود لها همني قايلكم حنا ما نلعب

    4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...

    5- الساحه الرياضيه لكم ثنتين...واللي ماهو هلالي لايوطوط فيذاك ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل ؟؟

    6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتنا وحنا حرين فيها

    7- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر ؟...ليه ما سموها كلمة خشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها
    8- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علاباه...وبعدين بناخذه لا اقرب قليب...وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...اقول لا تكثر بربستكم يا هوووه....وش هالمسكه الغلط.....همني قايلكم ما نلعب...

    9- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

    10- كلنا عيال قريه وكلن يعرف خيه...

    11- همني قايلكم حنا ما نلعب

    الان اسماء المنتديات بعد التعديل :-
    * منتدى شخبط وخمبق ترى محد لمك.....المنتدى العام سابقا
    * منتدى شاعر في المشمش......المنتدى الشعري سابقا
    * منتدى مواضيع مهناش احد.....منتدى المواضيع الجاده سابقا
    * منتدى معاهم معاهم عليهم عليهم....المنتدى الرياضي سابقا
    * منتدى ياهلال ياهلال كخ كخ....منتدى الهلاليين سابقا
    * منتدى كن صديقي.....منتدى المواضيع المتميزه
    بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا
    بالنسبه للمحادثات....تسان ودكم نسوي لنا طلعة بر على الطبيعه ازين...

    ملاحظه......
    اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خشهم كلمات متقاطعه يصعب حلها.....والله ما يضرب بعصا يا سرع طيحتهم

    موافق
    غير موافق
    هههههههههههههههههههههههههههههه
    هههههههههههههههههههههههههههه
    هههههههههههههههههههههههههه
    هههههههههههههههههههههه


    :

    تحياتي لكم
     
  2. جاري تحميل الصفحة...

    مواضيع مشابهة في منتدى التاريخ
    واحد عصبي فتح منتدى تعالوا نقرأ شروطه.. مرح x مرح ‏29 يوليو 2009
    في واحد عصبي فتح منتدى تعالوا نقرأ شروطه.. هههههههههه مرح x مرح ‏31 مايو 2009
    عصبي فتح منتدى جديد.شوفوا شروطه مرح x مرح ‏25 يناير 2009
    عصبي فاتح منتدى شوفو الشروط مرح x مرح ‏5 ديسمبر 2008
    معصب فاتح منتدى جديد شوف الشروط ! مرح x مرح ‏16 نوفمبر 2008
    شروط المدارس في المستقبل مرح x مرح ‏15 سبتمبر 2008

  3. هههههههههههههههههههههههه
    هههههههههههههههههه

    قوانين مرعبه ههههه:ashamed:


    ومشكووووور دانتي ع الموضوع المضحك

    الف شكر ما تقصر ^^
     
  4. هههههههههههههه
    شكرا اختي شيري على ردك
    يارب مايحطو هذي القوانين في اي منتدى
    تحياتي لك
     
  5. 1- اللي يسب اي واحد من الاعضاء نبي نجيه وبنربط حواجبه في صدامات الهايلكس وبنروح ونطعس فيه باقرب طعس...همني قايلكم حنا ما نلعب

    :d96438ba01::d96438ba01::d96438ba01:
    حلوة كثيييييييييير
    مشكوووووووووووووووووور
     
  6. ههههههههههههههههههههههه
    يعطيك الف عافيه